தேவையான பொருட்கள்:

சாதம் - 2 கோப்பையளவு

வெங்காயம் - 1

கேரட் - 2

பீன்ஸ் - 15

முட்டை - 2

சோயா சாஸ் - சிறிது

சிக்கன் க்யூப் - 1

மல்லி இலை - சிறிது

பச்சை மிளகாய் - 1

பச்சை பட்டாணி - 1/2 கோப்பை

எண்ணெய் - 3 ஸ்பூன்

உப்பு - தே.அளவு

செய்முறை:

வெங்காயம்,கேரட்,பீன்ஸை நீளவாக்கில் வெட்டவும்.மல்லியை கழுவி வைக்கவும்.மிளகாயை கீறி வைக்கவும்.

முட்டையை ஒரு கோப்பையில் கலக்கி வைக்கவும்.

ஒரு கடாயில் எண்ணெய் ஊற்றி வெங்காயம்,மிளகாயை போட்டு லேசாக வதக்கவும்.

அதனுடன் கேரட் மற்றும் பீன்ஸ் சேர்த்து பாதி வேகும் அளவு வதக்கவும்.

காய்கள் வதங்கியபின் அதை ஒரு ஓரமாக சட்டியில் ஒதுக்கிவிட்டு முட்டையை ஊற்றவும்.

முட்டை வெந்தபின் அதை கொத்திவிட்டு அதில் பட்டாணி,மல்லி,சிக்கன் க்யூப் சேர்த்து சோயா சாஸ் ஊற்றவும்.

இதில் உதிரியாக வேக வைத்துள்ள சாதத்தை போட்டு பிரட்டி எடுக்கவும்.

இதனுடன் இறால் ஃப்ரை நல்லா இருக்கும்.

குறிப்புகள்:

இதில் முட்டை கோசும் சேர்க்கலாம், எல்லா காய்கறிகளும் அரை வேக்காட்டில்தான் இருக்கனும், சாதம் உப்பு போட்டு வேக வைக்கவும்.சிக்கன் க்யூப் மற்றும் சோயா சாஸ் சேர்ப்பதால் காய்கறிகளுக்கு உப்பு போட வேண்டாம்.