தேவையான பொருட்கள்:

புளி - ஒரு நெல்லிக்காய் அளவு

சாதம் - ஒரு கப்

துவரம் பருப்பு - ஒரு கைப்பிடி

தக்காளி - 2

மிளகுதூள் - ஒரு தேக்கரண்டி

மஞ்சள் தூள் - கால் தேக்கரண்டி

பெருங்காயத்தூள் - சிறிதளவு

உப்பு - தேவைக்கு

எண்ணெய் - 3 தேக்கரண்டி

-----------------------------

வறுத்து பொடிக்க:

-------------------------------

பூண்டு - ஒன்று

வெந்தயம் - கால் தேக்கரண்டி

கறிவேப்பிலை - 2 கொத்து

சீரகம் - அரை தேக்கரண்டி

கடலைபருப்பு - ஒரு தேக்கரண்டி

-------------------

விழுதாக்க:

------------------

சின்ன வெங்காயம் - 8

பூண்டு - 4 பல்

கொத்தமல்லி - ஒரு கொத்து

பச்சைமிளகாய் - 2

செய்முறை:

பருப்பை வேக வைத்துக் கொள்ளவும்.

வெறும் வாணலியில் வறுக்க கொடுத்துள்ள பொருட்களை மொத்தமாக கொட்டி சிறுதீயில் மொறுமொறுப்பாகும் வரை வறுக்கவும்

பின்னர் ஆற வைத்து பொடித்துக் கொள்ளவும்.

விழுதுக்கு கொடுத்துள்ள பொருட்களை மிக்ஸியில் ஒரு சுற்றுக்கு மட்டும் விட்டு அரைத்து எடுத்துக் கொள்ளவும். இல்லையேல் அம்மியில் தட்டிக் கொள்ளலாம்.

சட்டியில் எண்ணெய் விட்டு காய்ந்ததும் இடித்த விழுதை சேர்த்து வதக்கவும்.

பின்னர் வறுத்து பொடித்த தூளை சேர்க்கவும்.

அதன் பின் தக்காளியை பிசைந்து விடவும்.

பின்னர் மற்ற தூள் வகைகளை சேர்த்து கிளறவும்.

அதன் பிறகு கரைத்து வைத்துள்ள புளிக்கரைசல்

உப்பு மற்றும் வேக வைத்த பருப்பு சேர்த்து கொதிக்க விடவும்.

அதன் பின் சாதத்தை கொட்டி ஒரு முறை கொதிக்க விட்டு இறக்கவும்.

குறிப்புகள்:

சுட்ட அப்பளம், உருளைக்கிழங்கு பொரியல் ஆகியவற்றுடன் சேர்த்து பரிமாறவும்.