தேவையான பொருட்கள்:

அரிசி - 1/4 கிலோ

துவரம் பருப்பு - 150 கிராம்

பச்சை வேர்க்கடலை - 3/4 கப்

புளி - ஒரு எழுமிச்சம் பழ அளவு

மஞ்சள் தூள் - 1/2 தேக்கரண்டி

நெய் - 3/4 கப் (150 மில்லி)

எண்ணெய் - 2 தேக்கரண்டி

உப்பு - தேவைக்கேற்ப.

--------------------------

வறுத்து பொடிக்க:

----------------------

காய்ந்த மிளகாய் - 10

தனியா - 1 மேசைக்கரண்டி

பொட்டுக்கடலை - 2 மேசைக்கரண்டி

கடலைப்பருப்பு - 2 மேசைக்கரண்டி

(கொப்பரை) தேங்காய் துருவல் - 3 மேசைக்கரண்டி.

------------------------------

மசாலா பொடிக்கு:

-----------------------

கசகசா - 1 தேக்கரண்டி

மராட்டி மொக்கு - 2

பட்டை - சிறிது

கிராம்பு - 2

ஏலக்காய் - 2

-------------------------

தாளிக்க:

----------------------------

கடுகு - 1/2 தேக்கரண்டி

கறிவேப்பிலை - சிறிது.

செய்முறை:

அரிசியையும் பருப்பையும் ஒன்றாக கலந்து கழுவி, ஒன்றுக்கு இரண்டரை மடங்கு தண்ணீர் வைத்து குக்கரில் 3 விசில் விட்டு குழைய வேக விட்டு எடுக்கவும்.

வறுக்கக் கொடுத்துள்ளவைகளை தனியாகவும், மசாலா பொடிக்கு உள்ளவற்றை தனியாகவும் எண்ணெயில் வறுத்து தனித்தனியாக பொடித்து வைக்கவும்.

புளியை 2 டம்ளர் தண்ணீரில் கரைத்து வடிகட்டி வைக்கவும். வேர்க்கடலையை தனியாக வேக வைக்கவும்.

புளித்தண்ணீரை சிறிது நேரம் கொதிக்க விட்டு, புளி வாசம் போனதும், வேக வைத்த சாதம், நிலக்கடலை, 1/2 கப் நெய், உப்பு, வறுத்த பொடி சேர்த்து கொதிக்க விடவும்.

நன்கு கொதித்ததும் மீதி நெய்யில் கடுகு, கறிவேப்பிலை, பெருங்காயம் தாளித்து சாதத்தில் கொட்டி, மசாலா பொடி தூவி, கிளறி இறக்கவும்.

குறிப்புகள்:

சாம்பார் சாதமே கொஞ்சம் மசாலா வாசனையுடனிருக்கும். தொட்டுக்கொள்ள சிப்ஸ் நன்றாக இருக்கும்.