தேவையான பொருட்கள்:

சாதம் - 2 கப்

பிரட் - 4 ஸ்லைஸ்

கடலை மாவு - 100 கிராம்

பெரிய வெங்காயம் - 1

பூண்டு - 2 பல்

மிளகாய் தூள் - 1 ஸ்பூன்

கறிவேப்பிலை - சிறிது

கொத்தமல்லி - 1 கைப்பிடி,

உப்பு - தேவையான அளவு.

எண்ணெய் - சுடுவதற்கு.

செய்முறை:

பூண்டு நசுக்கி வைக்கவும்.

பெரிய வெங்காயத்தையும் பொடியாக நறுக்கி வைக்கவும்.

சாதத்தை நன்கு மசித்து கொள்ளவும்.

பிரட்டை நீரில் நனைத்து, பிழிந்து, மசித்த சாதத்துடன் சேர்க்கவும்.

கடலை மாவு, நசுக்கிய பூண்டு, நறுக்கிய வெங்காயம், கொத்தமல்லி, கறிவேப்பிலை, மிளகாய் தூள், சிறிது தண்ணீர் சேர்த்து போண்டா மாவு பதத்தில் பிசையவும்.

வாணலியில் எண்ணெயை விட்டு காய்ந்தவுடன் சிறு சிறு உருண்டைகளாக போட்டு பொரித்து எடுக்கவும்.

குறிப்புகள்:

மீந்து போன சாதத்தை வீணாக்காமல் மாலையில் சிற்றுண்டியாக செய்யலாம்.

மாவு தளர இருந்தால் தான் போண்டா மெத்தன்று இருக்கும்.