தேவையான பொருட்கள்:

பாசுமதி அரிசி - இரண்டு கப்

எண்ணெய் + பட்டர் - 50 மில்லி

வெங்காயம் - 50 கிராம்

தக்காளி - ஒன்று

கடலைப்பருப்பு - 50 கிராம்

அரை கீரை - அரை கட்டு

மஞ்சள் தூள் - கால் தேக்கரண்டி

கொத்தமல்லி, புதினா - சிறிது

இஞ்சி, பூண்டு பேஸ்ட் - இரண்டு தேக்கரண்டி

பட்டை, கிராம்பு, ஏலக்காய் - தலா ஒன்று

பச்சை மிளகாய் - இரண்டு

மஞ்சள் தூள் - கால் தேக்கரண்டி

உப்பு - தேவையான அளவு

செய்முறை:

அரிசியையும், கடலை பருப்பையும் களைந்து இருபது நிமிடம் ஊறவைக்க வேண்டும்.

கொத்தமல்லி கீரை, புதினாவை தனித்தனியாக மண் இல்லாமல் ஆய்ந்து அலசி வைக்கவேண்டும்.

வெங்காயத்தை நீளவாக்கிலும், தக்காளியை நான்காகவும் நறுக்கி வைக்க வேண்டும்.

குக்கர் (அ) ரைஸ் குக்கரில் எண்ணெய் + பட்டரை போட்டு உருக்கி பட்டை , கிராம்பு, ஏலக்காயை போட்டு வாசனை வந்ததும் வெங்காயத்தை போட்டு வதக்கவும். சிவக்க விட வேண்டாம்.

பிறகு இஞ்சி பூண்டு பேஸ்ட், பச்சை மிளகாய் போட்டு வதக்கி, மஞ்சள் தூள் கொத்தமல்லி, புதினாவை போட்டு இரண்டு நிமிடம் வதக்கி அதில் இரண்டு கப் அரிசிக்கு 3 1/2 கப் தண்ணீர் ஊற்றவும். தண்ணீர் கொதி வந்ததும் அரிசியை களைந்து போட்டு நான்காக நறுக்கிய தக்காளி, உப்பு சேர்த்து குக்கரை மூடி இரண்டு விசில் வந்ததும் இறக்கி விட வேண்டும்.

குறிப்புகள்:

இது காலை டிபனுக்கு (அ) ஆபிஸுக்கு சாப்பாடு கட்டி கொண்டு போக வசதியாக இருக்கும். தொட்டுகொள்ள மிளகாய் சட்னி, இல்லை புதினா சட்னி அரைத்து கொள்ளலாம். சும்மாவே சாப்பிட நன்றாக இருக்கும்.