தேவையான பொருட்கள்:

அரிசி - 50 மில்லி

நெய் - தாளிப்புக்கு

கருவேப்பிலை - சிறிது

கருவா - 1 துண்டு

ஏலம் - 2

வெங்காயம் - தாளிப்புக்கு

செய்முறை:

முதலில் அரிசியை சிறிது உப்பு சேர்த்து குக்கரில் குழைய வேக வைத்து கடைந்துக்கொள்லவும்.

ஒரு பாத்திரத்தை அடுப்பில் வைத்து நெய் ஊற்றி கருவா, ஏலம்,போட்டு வெடித்ததும், வெங்காயம், கருவேப்பிலை போட்டு தாளித்து வேகவைத்த சாதத்தை போட்டு கிளறி 2 நிமிடம் கழித்து இறக்கவும்.

நல்ல சுவையும் மணமும் உள்ள கஞ்சி சோறு தயார். இதை 6 மாதம் முதல் எல்லா வயது குழந்தைகளுக்கும் கொடுக்கலாம்.

குறிப்புகள்:

காய்ச்சல் அல்லது உடம்பு சரியில்லாத நேரத்தில் பெரியவர்களும் சாப்பிடலாம்.

இதற்க்கு தொட்டுக்கொள்ள பொட்டுக்கடலை சட்னி பெரியவர்களுக்கு செய்துக்கலாம்.

பெரியவர்களுக்கும், 2 வயதுக்கு மேல் உள்ள குழந்தைகளுக்கும் செய்யும் போது தேங்காய் பால் சாதத்துக்கு தகுந்தது போல் ஊற்றி இறக்கினால் சுவை இன்னும் அதிகமாகும்.

அதாவது 1 கப் அரிசி என்றால் தேங்காய் பால் 1/2 கப் ஊற்றலாம்.