தேவையான பொருட்கள்:

பாசுமதி அரிசி - 1 கப்

முட்டை - 2

கோஸ் - கொஞ்சம்

கேப்சிகம் - 2 கலர்ஸ் கொஞ்சம்

மிளகு தூள் - தேவைக்கு

எலுமிச்சை சாறு - 1 தேக்கரண்டி (விரும்பினால்)

எண்ணெய் - 3 மேஜைக்கரண்டி

உப்பு - தேவைக்கு

செய்முறை:

அரிசியை கழுவி 1/2 மணி நேரம் கழித்து உப்பு சேர்த்து முக்கால் பாகம் வேக வைத்து வைக்கவும்.

முட்டையை லேசாக உப்பு சேர்த்து அடிக்கவும்.

கடாயில் எண்ணெய் விட்டு காய்ந்ததும் நறுக்கிய கோஸ், நறுக்கிய கேப்சிகம் சேர்த்து வதக்கவும்.

லேசாக வதக்கிய பின் முட்டையை ஊற்றி நன்றாக பிரட்டவும்.

முட்டை முழுவதும் வெந்ததும் வேக வைத்த சாதம் சேர்த்து பிரட்டவும்.

பின் மிளகு தூள் சேர்த்து நன்றாக வதக்கி கடைசியாக விரும்பினால் எலுமிச்சை சேர்த்து எடுக்கவும்.

குறிப்புகள்:

விரும்பினால் பாதி வெங்காயம் நறுக்கி காயுடன் சேர்க்கலாம்.