தேவையான பொருட்கள்:

கோழிக் குஞ்சு - 1/2 கிலோ

சின்ன வெங்காயம் - 10

பூண்டு - 8 பற்கள்

தக்காளி - 1

மிளகு - 1 மேசைக்கரண்டி

சீரகம் - 2 தேக்கரண்டி

தனியா - 2 தேக்கரண்டி

வெந்தயம் - 1/2 தேக்கரண்டி

காய்ந்த மிளகாய் - 2

கடலைப்பருப்பு - 1 தேக்கரண்டி

கறிவேப்பிலை - 10 இலைகள்

மஞ்சள் தூள் - 1/2 தேக்கரண்டி

எண்ணெய் - 1 தேக்கரண்டி

உப்பு - தேவையான அளவு

செய்முறை:

கோழியைச் சுத்தம் செய்து சிறிய துண்டுகளாக நறுக்கிக் கொள்ளவும் (சின்ன கோழி கிடைக்கவில்லையென்றால், கோழிக் கறியையே சிறு துண்டுகளாக நறுக்கி எடுத்துக் கொள்ளவும்).

தக்காளியைப் பெரிய துண்டுகளாக நறுக்கி வைக்கவும்.

வெறும் வாணலியில் காய்ந்த மிளகாய், மிளகு, சீரகம், தனியா, வெந்தயம் மற்றும் கடலைப்பருப்பு போட்டு சிவக்க வறுத்தெடுத்து, நைசாகப் பொடி செய்து கொள்ளவும்.

அத்துடன் வெங்காயம், பூண்டு மற்றும் கறிவேப்பிலை சேர்த்து நைசாக அரைத்துக் கொள்ளவும்.

குக்கரில் எண்ணெய் ஊற்றி, சுத்தம் செய்து வைத்திருக்கும் கோழி துண்டுகளைப் போட்டு வதக்கவும்.

கோழி வதங்கியதும் தக்காளி, அரைத்த விழுது, உப்பு மற்றும் மஞ்சள் தூள் சேர்த்து, 4 டம்ளர் தண்ணீர் ஊற்றி, குக்கரை மூடி வேக வைத்து 15 நிமிடங்கள் கழித்து இறக்கி பரிமாறவும்.

குறிப்புகள்: