தேவையான பொருட்கள்:

1. மாம்பழம் - 1

2. பப்பாளி - 1/4

3. பேரீட்சம் பழம் - 5

4. வாழைப்பழம் - 1

5. சர்க்கரை - தேவைக்கு

செய்முறை:

பழங்களை தோல் நீக்கி பொடியாக நறுக்கவும்.

நறுக்கிய பழத்தில் சிறிதை மட்டும் தனியாக எடுத்து வைத்துவிட்டு மீதம் உள்ளதை மிக்ஸியில் போட்டு அடிக்கவும்.

அடித்த கூழை பாத்திரத்தில் கொட்டி, எடுத்து வைத்த துண்டுகளையும் சேர்த்து கை விடாமல் கிளரவும்.

கலவை பச்சை வாசம் போனதும் சர்க்கரை சேர்த்து கிளரவும்.

முதலில் நீர்க்கும், கொஞ்சம் நேரத்தில் கெட்டியாகி அல்வா பதம் வந்ததும் எடுக்கவும்.

குறிப்புகள்:

சாப்பிடும்போது அல்வாவுடன் பழ துண்டுகளும் கிடைக்கும், சுவையாக இருக்கும். இதை ப்ரெட்டுடன் ஜாம் ஆகவும் பயன்படுத்தலாம். விரும்பிய பழங்கள் சேர்க்கலாம். கொய்யா சேர்க்கும் முன் விதையும் எடுக்கவும். ஆப்பிள் வேக வைத்து சேர்க்கவும். திராட்சையும் விதை, தோல் நீக்கவும். சப்போட்டா கூட சேர்க்கலாம். விரும்பினால் கடைசியில் சிறிது எலுமிச்சை சாறு சேர்க்கவும்.