தேவையான பொருட்கள்:

பிரியாணி அரிசி - 2 ஆழாக்கு

முட்டை - 4

வெங்காயம் - 5

தக்காளி - 3

இஞ்சி பூண்டு - 50 கிராம்

தயிர் - அரை கப்

தேங்காய் துருவல் - அரை கப்

பச்சை மிளகாய் - 5

கரம் மசாலா தூள் - ஒரு தேக்கரண்டி

மஞ்சள் தூள் - அரை தேக்கரண்டி

மிளகாய்த் தூள் - ஒரு தேக்கரண்டி

எலுமிச்சை பழம் - பாதி

புதினா, கொத்தமல்லித் தழை - ஒரு கைப்பிடி

தாளிக்க :

பட்டை, பிரிஞ்சி இலை, கிராம்பு, ஏலக்காய் - தலா 2

செய்முறை:

வெங்காயம், தக்காளியை நீளவாட்டில் நறுக்கி வைக்கவும். இஞ்சி, பூண்டு, பச்சை மிளகாய் ஆகியவற்றை விழுதாகஅரைக்கவும். தயிருடன் தேங்காய் துருவலைக் கலந்து வைக்கவும். அரிசியை 15 நிமிடங்கள் ஊற வைக்கவும். 2 முட்டையை வேக வைத்து எடுத்துக் கொள்ளவும். மீதிமிருக்கும் முட்டையுடன் ஒரு வெங்காயம், பச்சை மிளகாய் சேர்த்து ஆம்லெட் போட்டு சதுர துண்டுகளாக நறுக்கி எடுத்துக் கொள்ளவும்.

குக்கரில் எண்ணெய் விட்டு தாளிக்க கொடுத்துள்ள பொருட்களைத் தாளித்து, வெங்காயம் சேர்த்து வதக்கி, அரைத்த விழுது, புதினா மற்றூம் கொத்தமல்லித் தழை சேர்த்து வதக்கவும்.

வதங்கியதும் தக்காளி சேர்த்து வதக்கி, தயிர் கலவையை சேர்க்கவும்.

பிறகு கரம் மசாலா தூள், மஞ்சள் தூள், மிளகாய்த் தூள் சேர்த்து வதக்கவும்.

வதங்கியதும் வேக வைத்த முட்டையை கீறிச் சேர்த்து, ஆம்லெட் துண்டுகளையும் சேர்த்து பக்குவமாகக் கிளறவும். மற்றொரு அடுப்பில் ஒரு கப் அரிசிக்கு ஒன்றரை கப் தண்ணீர் அளவில் மீதி தாளிக்கும் பொருள்கள், சிறிது புதினா சேர்த்து கொதிக்க வைத்து தயார் நிலையில் வைக்கவும்.

கொதிக்கும் நீரை வதகிகிய மசாலாவில் ஊற்றவும். கொதித்ததும் அரிசியைச் சேர்த்து ஒரு முறை கிளறி, விரும்பினால் கலர் பவுடர் சேர்த்து, எலுமிச்சை சாறு பிழிந்துவிடவும்.

குக்கரை மூடி 15 நிமிடங்கள் சிம்மில் வைத்து இறக்கவும்.

சுவையான முட்டை பிரியாணி தயார்.

குறிப்புகள்:

விருப்பமெனில் தேங்காய் துருவலுக்கு பதிலாக தேங்காய் பால் சேர்த்து கொள்ளலாம். நெய், முந்திரி அவரவர் விருப்பம்.