தேவையான பொருட்கள்:

ஆட்டுகறி - 1 1/4 கிலோ

பாசுமதி அரிசி - ஒரு கிலோ

வெங்காயம் - கால் கிலோ

தக்காளி - கால் கிலோ

தயிர் - 100 கிராம்

எலுமிச்சை - ஒன்று

பச்சைமிளகாய் - 8

மல்லி இலை, புதினா - கால் கட்டு

கறிவேப்பிலை - சிறிது

ஏலக்காய், கிராம்பு - தலா 3

பட்டை - ஒரு சிறுத்துண்டு

கல்பாசி இலை - சிறிது (அல்லது அன்னாசிபூ 3)

பிரியாணி இலை - 1

மிளகாய் தூள் - 2 தேக்கரண்டி

மஞ்சள் தூள் - கால் தேக்கரண்டி

உப்பு - தேவைக்கு

நெய் - 100 கிராம்

எண்ணெய் - 100 கிராம்

அரைக்க:

இஞ்சி - 75 கிராம்

பூண்டு - 75கிராம்

ஏலக்காய் - 15 எண்ணிக்கை

கிராம்பு - 15 எண்ணிக்கை

பட்டை - 2 (விரல் அளவு)

செய்முறை:

அரிசியை அரைமணி நேரம் ஊற விடவும். கறியை கழுவி தண்ணீர் வடித்து வைக்கவும். அரைக்க கொடுத்தவைகளை அரைத்துக் கொள்ளவும். வெங்காயத்தை நீளவாக்கில் நறுக்கிக் கொள்ளவும். தக்காளியை நான்கு துண்டாக நறுக்கவும். மிளகாயை கீறிக் கொள்ளவும்

குக்கரில் கறி, மிளகாய் தூள், மஞ்சள் தூள், நெய் பாதியளவு, கறிக்கு தேவையான உப்பு, தயிர், அரைத்த இஞ்சி பூண்டு விழுது பாதி போட்டு நன்கு கிளறி குக்கரை அடுப்பில் வைத்து கறியை 5 நிமிடம் வேக வைக்கவும்

அடுப்பில் பெரிய குக்கரை வைத்து அதில் எண்ணெய் ஊற்றி சூடானதும் பட்டை, கிராம்பு, ஏலக்காய், கல்பாசி இலை, பிரியாணி இலை போட்டு தாளித்து வெங்காயத்தை போட்டு சிவக்க வதக்கவும். பின் தக்காளி, மிளகாய் போட்டு வதக்கி மீதி இஞ்சி பூண்டு விழுது போட்டு வதக்கவும்.

அதில் தேவையான அளவு தண்ணீர் சாதத்துக்கு தேவையான உப்பு வேக வைத்த கறி தண்ணீரையும் சேர்த்து கொதி வரவும் கழுவிய அரிசியை சேர்க்கவும்.

தண்ணீர் வற்றி அரிசி வெந்து வரவும் வேக வைத்த கறி, லெமன் சாறு, மல்லி இலை, புதினா, நெய் சேர்த்து ஒரு சேர கிளறி விட்டு மூடி வெயிட் போட்டு சிறு தீயில் 5 நிமிடம் வைக்கவும்.

அரை மணி நேரம் கழித்து ஆவி அடங்கியவுடன் மூடியை திறந்து ஒரு சேர கிளறி விட்டு பரிமாறவும்.

சுவையான மட்டன் பிரியாணி ரெடி.

குறிப்புகள்: