தேவையான பொருட்கள்:

அரிசி - ஒரு கிலோ

மட்டன் - ஒரு கிலோ

வெங்காயம் - பெரியது 4

தக்காளி - பெரியது 3

பச்சைமிளகாய் - 5

இஞ்சி, பூண்டு விழுது - 3 தேக்கரண்டி

மிளகாய்தூள் - ஒரு தேக்கரண்டி

மிளகுதூள் - 1 1/2 தேக்கரண்டி

சீரகதூள் - 1 1/2 தேக்கரண்டி

மஞ்சள்தூள் - ஒரு தேக்கரண்டி

சோம்புதூள் - ஒரு தேக்கரண்டி

பிரியாணிமசாலா - 2 தேக்கரண்டி

தக்காளிசாஸ் - ஒரு தேக்கரண்டி

பட்டை - 2

கிராம்பு - 6

ஏலக்காய் - 4

புதினா - 5 கொத்து

மல்லிகீரை - 5 கொத்து

எண்ணெய் - 100 மில்லி

தயிர் - அரை கப்

பன்னீர், ரோஸ்வாட்டர் - ஒரு தேக்கரண்டி

எலுமிச்சை - ஒன்று

வினிகர் - ஒரு தேக்கரண்டி

உப்பு - தேவையான அளவு

செய்முறை:

வெங்காயத்தை நீளவாக்கில் மெல்லிய துண்டுகளாக நறுக்கிக் கொள்ளவும். தக்காளியை துண்டுகளாக நறுக்கிக் கொள்ளவும். பச்சைமிளகாயை நடுவில் கீறி வைத்துக் கொள்ளவும். மல்லி புதினாவை பொடியாக நறுக்கிக் கொள்ளவும்.

கறியை சுத்தம் செய்து கழுவி தண்ணீரை வடிகட்டி குக்கரில் போட்டு அதில் வினிகர், ஒரு தேக்கரண்டி இஞ்சி பூண்டு விழுது, அரை தேக்கரண்டி மஞ்சள்தூள், உப்பு சேர்த்து தண்ணீர் ஊற்றி குக்கரை மூடி 5 விசில் வரும் வரை வேக விடவும்.

அரிசியை கழுவி விட்டு 15 நிமிடம் ஊற வைக்கவும். ஒரு பாத்திரத்தில் நெய் ஊற்றி தண்ணீரை வடித்து விட்டு அரிசியை அதில் போட்டு லேசாக வறுத்துக் எடுத்துக் கொள்ளவும்.

ஒரு பாத்திரத்தில் எண்ணெய் ஊற்றி காய்ந்ததும் பட்டை, கிராம்பு, ஏலக்காய் போட்டு வதக்கி, வெங்காயம், பச்சைமிளகாய் சேர்த்து நன்கு வதக்கவும். வெங்காயம் வதங்கியதும் இஞ்சி, பூண்டு விழுது, புதினா சேர்த்து நன்கு வதக்கவும்.

மிளகாய் தூள், தக்காளி சேர்த்து நன்கு வதக்கவும். நன்கு வதங்கியதும் தூள் வகைகள், தயிர், தக்காளி சாஸ், உப்பு, பன்னீர், எலுமிச்சைச் சாறு, மட்டன் வேக வைத்த தண்ணீர் ஊற்றி நன்கு கிளறி விடவும்.

அதனுடன் வேக வைத்த மட்டன் துண்டுகளை சேர்த்து நன்கு கிளறி அடுப்பை சிம்மில் வைத்து எண்ணெய் பிரியும் வரை மூடி வைக்கவும்.

எண்ணெய் பிரிய தொடங்கியதும் அதில் ஒன்றிற்கு ஒன்றரை மடங்கு தண்ணீர் ஊற்றி கொதிக்க விடவும். கொதி வந்ததும் அதில் வறுத்து வைத்திருக்கும் அரிசியை போட்டு ஒரு கொதி வந்ததும். மூடி போட்டு, மேலே கனமான பொருளை வைத்து அடுப்பை சிம்மில் வைத்து 20 நிமிடம் தம்மில் வைக்கவும். மல்லித்தழை தூவி இறக்கவும்.

சுவையான மட்டன் பிரியாணி ரெடி.

குறிப்புகள்: