தேவையான பொருட்கள்:

மட்டன் - அரைக் கிலோ

சேமியா - அரைக் கிலோ

எண்ணெய் - 100 மில்லி

நெய் - 50 மில்லி

இஞ்சி பூண்டு விழுது - 1 1/2 மேசைக்கரண்டி

கரம் மசாலா - அரை தேக்கரண்டி

சில்லி பவுடர் - 1 1/2 தேக்கரண்டி

தயிர் - 2 மேசைக்கரண்டி

வெங்காயம் - 150 கிராம்

தக்காளி - 200 கிராம்

பச்சை மிளகாய் - 3

மல்லி,புதினா - கைபிடியளவு

சிறிய எலுமிச்சை - பாதி

தேங்காய் - பாதி (பால் எடுக்கவும்)

உப்பு - தேவைக்கு

செய்முறை:

மட்டனை சுத்தம் செய்து கழுவி தண்ணீர் இல்லாமல் வடிகட்டி எடுத்துக் கொள்ளவும். மட்டனுடன் அரை தேக்கரண்டி சில்லி பவுடர், அரை மேசைக்கரண்டி இஞ்சி பூண்டு விழுது, 2 மேசைக்கரண்டி தயிர் மற்றும் உப்பு சேர்த்து நன்கு பிரட்டி சிறிது நேரம் ஊற வைக்கவும். தேங்காயை துருவி பால் எடுத்துக் கொள்ளவும்.

ஒரு பாத்திரத்தில் சேமியாவை போட்டு சிவக்க வறுத்து எடுத்துக் கொள்ளவும்.

வெங்காயம், தக்காளி, மல்லி, புதினா ஆகியவற்றை பொடியாக நறுக்கி வைத்துக் கொள்ளவும். மற்ற தேவையான பொருட்களை தயாராக எடுத்துக் கொள்ளவும்.

குக்கரில் எண்ணெய் மற்றும் நெய் ஊற்றி காய்ந்ததும் நறுக்கி வைத்திருக்கும் வெங்காயத்தை போட்டு வதக்கவும். வெங்காயம் சிவந்தவுடன் இஞ்சி பூண்டு விழுது, கரம் மசாலா தூள் சேர்த்து வதக்கி 2 நிமிடம் வைக்கவும்.

பின்பு மல்லி, புதினா, மிளகாய், தக்காளி, சில்லி பவுடர், உப்பு சேர்த்து வதக்கி எல்லாம் சேர்ந்ததும் எண்ணெய் தெளிந்து வரும்.

ஊற வைத்திருக்கும் மட்டனை அதனுடன் சேர்த்து குக்கரை மூடி மூன்று விசில் வைத்து திறக்கவும்.

மட்டன் வெந்ததும் மசாலாவுடன் இருக்கும் மட்டனை வேறு பாத்திரத்திற்கு மாற்றவும். ஓரளவு தண்ணீர் மட்டனில் இருக்கும்.

மீதி தண்ணீருக்கு தேங்காய் பாலுடன் தண்ணீரை சேர்த்து அளந்து வைக்கவும். தண்ணீரின் அளவு - சேமியா ஒன்றுக்கு ஒன்றரை அளவு தண்ணீர். பாதி எலுமிச்சை பழத்தை விதை நீக்கி அதில் பிழியவும். கொதி வந்தவுடன் அதில் வறுத்து வைத்திருக்கும் சேமியாவை சேர்க்கவும்.

பாத்திரத்தை மூடி வைத்து 10 நிமிடம் சிம்மில் வைத்து சேமியாவை வேக விடவும்.

சேமியா வெந்ததும் சிறிது நேரம் கழித்து மூடியை திறந்து ஒரு முறை கிளறி விடவும்.

சுவையான சேமியா மட்டன் பிரியாணி ரெடி. இதனை தயிர் பச்சடியுடன் பரிமாறவும். காலை அல்லது இரவு நேர டிபனாக சாப்பிடலாம்.

இந்த சேமியா மட்டன் பிரியாணி குறிப்பினை அறுசுவை நேயர்களுக்காக <b> திருமதி. ஆசியா உமர் </b> அவர்கள் செய்து காட்டியுள்ளார். நீங்களும் செய்து பார்த்து உங்கள் கருத்துக்களைப் பகிர்ந்து கொள்ளுங்கள்.

குறிப்புகள்: