தேவையான பொருட்கள்:

முருங்கைக்காய் - 4

வெங்காயம் - 2

தக்காளி - 2

பூண்டு - 4 பற்கள்

வேர்கடலை - ஒரு கையளவு

தேங்காய்துருவல் - 2 தேக்கரண்டி

மிளகாய்தூள் - 2 தேக்கரண்டி

தனியாத்தூள் - 1/2 தேக்கரண்டி

மஞ்சள்தூள் - 1/2 தேக்கரண்டி

புளி - நெல்லிக்காய் அளவு

கடுகு, சீரகம் - 1 தேக்கரண்டி

வெந்தையம் - 1/2 தேக்கரண்டி

கறிவேப்பிலை - 2 கொத்து

எண்ணெய் - 1/4 கோப்பை

உப்பு - தேவையான அளவு

செய்முறை:

தக்காளி, வெங்காயம், பூண்டை நீளவாக்கில் நறுக்கி கொள்ளவும்.

முருங்கைக்காயை வேண்டிய அளவிற்கு துண்டுகளாக்கிக் கொள்ளவும்.

வேர்கடலையை வறுத்து தோலை நீக்கி விட்டு தேங்காய்ப்பூவைச் சேர்த்து மையாக அரைத்துக் கொள்ளவும்.

புளியை சுடு தண்ணீரில் ஊற வைத்து கெட்டியாக கரைத்து வைக்கவும்.

பிறகு குழம்பு கூட்டும் சட்டியில் எண்ணெயை ஊற்றி காயவைத்து கடுகு சீரகத்தைப் போட்டு பொரியவிடவும். பிறகு வெந்தயம், வெங்காயம், பூண்டைப் போட்டு சிவக்க வறுக்கவும்.

பிறகு தக்காளி, கறிவேப்பிலையைப் போட்டு மையாக வதக்கவும்.

தொடர்ந்து காய்யை போட்டு உப்பை சேர்த்து வதக்கி எல்லாத்தூளையும் போட்டு நன்கு வதக்கவும்.

முருங்கைக்காயின் வாசனை வரும் வரை வதக்கி புளியை ஊற்றி இரண்டு கோப்பை நீரைச் சேர்த்து கலக்கி விட்டு கொதிக்க விடவும்.

குழம்பு நன்கு கொதித்து காய்கள் வெந்தவுடன் அரைத்த வேர்கடலை விழுதை போட்டு கலக்கி விடவும். குழம்பு மிகவும் கெட்டியாக இருந்தால் மேலும் அரைக்கோப்பை நீரை ஊற்றி அடுப்பின் அனலை குறைத்து வைத்து வேகவிடவும்.

ஐந்து நிமிடம் கழித்து குழம்பை கிளறிவிட்டு அடுப்பை நிறுத்தி விடவும். சுவையான கார குழம்பு தயார்.

குறிப்புகள்: