தேவையான பொருட்கள்:

மணத்தக்காளிக் கீரை - ஒரு பெரிய கட்டு

துவரம் பருப்பு - 100 கிராம்

சின்ன வெங்காயம் - 50 கிராம்

தக்காளி - 3

பச்சை மிளகாய் - 6

பூண்டு - 3 சிறிய பல்

புளி - சிறிய எலுமிச்சையளவு

மஞ்சள் பொடி - 1 தேக்கரண்டி

கடுகு, உளுத்தம் பருப்பு - 1 மேசைக்கரண்டி

பெருங்காயம் - 1/4 தேக்கரண்டி

சீரகம் - 1/2 தேக்கரண்டி

வரமிளகாய் - 1

கறிவேப்பிலை - 2 கொத்து

எண்ணெய் - 3 மேசைக்கரண்டி

உப்பு - தேவையான அளவு

செய்முறை:

முதலில் கீரையை ஆய்ந்து கழுவி வைக்கவும். துவரம் பருப்பை இருநூறு மில்லி தண்ணீர், மஞ்சள் பொடி சேர்த்து குக்கரில் நன்றாக வேக வைக்கவும்.

இரண்டு விசில் வந்ததும் நிறுத்தி வெயிட்டை எடுத்து விட்டு பெருங்காயம், பூண்டு, கீரை, உப்பு சேர்த்து மீண்டும் இரண்டு விசிலுக்கு வேக விடவும்.

இறக்கி மத்தால் நன்றாக மசித்து வைக்கவும். புளியை நூறு மில்லி தண்ணீரில் கரைத்து வடிகட்டவும்.

வெங்காயம், மிளகாயை இரண்டிரண்டாக நறுக்கி வைக்கவும். அடுப்பில் கடாயை வைத்து இரண்டு டேபிள் ஸ்பூன் எண்ணெய் ஊற்றி வெங்காயம், மிளகாய் போட்டு வதக்கவும்.

சிவந்ததும் தக்காளி சேர்த்து எண்ணெய் பிரியும் வரை வதக்கவும்.

பிறகு புளிக்கரைசலை ஊற்றி பச்சை வாசனை போக கொதிக்க விடவும். பின் கீரைக் கலவையை ஊற்றி மேலும் பத்து நிமிடம் கொதிக்க விடவும்.

பிறகு இறக்கி ஒரு டேபிள் ஸ்பூன் எண்ணெயில் வரமிளகாய் கிள்ளிப் போட்டு கடுகு,உளுத்தம் பருப்பு, சீரகம் வெடிக்க விட்டு இரண்டு சின்ன வெங்காயம் தட்டிப் போட்டு சிவந்ததும் கறிவேப்பிலை போட்டு தாளித்து குழம்பில் ஊற்றி இறுக மூடி வைக்கவும்.

குறிப்புகள்: