தேவையான பொருட்கள்:

கொண்டைக்கடலை - 100 கிராம்

சின்ன வெங்காயம் - இருபது

தக்காளி - 3

மல்லிப் பொடி - 1 தேக்கரண்டி

மிளகாய் பொடி - 1 தேக்கரண்டி

மஞ்சள் பொடி - இரண்டு சிட்டிகை

புளி - ஒரு பெரிய நெல்லிக்காயளவு

தேங்காய் - 2 தேக்கரண்டி

சோம்பு - 1 1/2 தேக்கரண்டி

கடுகு + உளுந்து - 1 1/2 தேக்கரண்டி

கறிவேப்பிலை - இரண்டு கொத்து

உப்பு - தேவையான அளவு

செய்முறை:

முதல் நாள் இரவே கொண்டைக்கடலையை ஊற வைக்க வேண்டும்.

முதலில் கொண்டைகடலையை இரண்டு டம்ளர் தண்ணீர் ஊற்றி வேக வைக்க வேண்டும்.

புளியை அரை டம்ளர் தண்ணீர் ஊற்றி கரைத்துக் கொள்ளவும்.

சி. வெங்காயம் பதினெட்டையும், தக்காளியையும் வெட்டி வைக்கவும்.

தேங்காயையும் அரை ஸ்பூன் சோம்பையும் அரைக்க வேண்டும்.

கொண்டைக்கடலை முக்கால் பதம் வெந்ததும் வெட்டி வைத்த வெங்காயம், தக்காளியை அதில் போடவும்.

மல்லி பொடி, மிளகாய் பொடி, மஞ்சள் பொடி, உப்பு போடவும். புளியை கரைத்து ஊற்றவும்.

எல்லாம் சேர்ந்து கொதித்ததும் அரைத்து வைத்த தேங்காயை ஊற்றி சிறிது நேரம் கொதிக்க விடவும். பிறகு குழம்பை இறக்கி விடவும்.

ஒரு சிறிய வாணலியை வைத்து இரண்டு ஸ்பூன் எண்ணை ஊற்றி கடுகு, உளுந்து, சோம்பு போட்டு வெடித்ததும் சிறிய வெங்காயம் இரண்டை தட்டி போடவும்.

வாசனை வந்ததும் கறிவேப்பிலை போட்டு குழம்பில் கொட்டி இறுக மூடி வைக்கவும்.

குறிப்புகள்: