தேவையான பொருட்கள்:

கத்திரிக்காய் - 1/2 கிலோ

அவரைக்காய் - 1/4 கிலோ

பெரிய குடை மிளகாய் (காப்சிகம்) - 1

பெரிய வெங்காயம் - 1

தக்காளி - 2

கருவடாம் - 2 தேக்கரண்டி

மிளகாய் பொடி - 1 தேக்கரண்டி

தனியா பொடி - 1/2 தேக்கரண்டி

மஞ்சள் பொடி - 1/4 தேக்கரண்டி

புளி கரைசல் - 1/2 கப்

கறிவேப்பிலை - 10 இலை

பூண்டு - 6 பல்

எண்ணெய் - 2 தேக்கரண்டி

உப்பு - தேவையான அளவு

செய்முறை:

எலுமிச்சை அளவு புளியை அரைக் கப் தண்ணீரில் சற்று கெட்டியாக கரைத்து வைக்கவும்.

கத்திரிக்காய், அவரைக்காய், குடை மிளகாய், வெங்காயம் மற்றும் தக்காளியை அரிந்து வைத்து கொள்ளவும்.

ஒரு வாணலி அல்லது பாத்திரத்தில் இரண்டு தேக்கரண்டி எண்ணெய் விட்டு கருவடாமை போடவும்.

பிறகு கறிவேப்பிலை, நசுக்கிய பூண்டு மற்றும் நறுக்கின வெங்காயத்தைப் போட்டு ஒரு நிமிடம் வதக்கவும்.

பின்னர் அதில் நறுக்கின கத்தரிக்காய்த் துண்டங்களைப் போட்டு ஒரு நிமிடம் வதக்கவும்.

அதன் பிறகு நறுக்கின அவரைக்காய் மற்றும் குடை மிளகாயை போட்டு ஒரு நிமிடம் வதக்கிவிட்டு, கடைசியாக நறுக்கி வைத்துள்ள தக்காளியை போட்டு மேலும் ஒரு நிமிடம் வதக்கவும்.

தக்காளி வதங்கிய பிறகு மஞ்சள் பொடி, தனியா பொடி, மிளகாய் பொடி மற்றும் ஒரு தேக்கரண்டி உப்பு போட்டு மேலும் சிறிது நேரம் வதக்கவும்.

மசாலாத்தூள் நன்கு சேர்ந்து காய்கள் சற்று வதங்கிய பிறகு, 4 கப் தண்ணீர் ஊற்றி 2 நிமிடம் கொதிக்கவிடவும்.

இரண்டு நிமிடத்திற்கு பின்னர் கெட்டியாக கரைத்து வைத்துள்ள புளியை குழம்பில் ஊற்றவும்.

குழம்பு நன்கு கொதித்து, காய்கள் வெந்தவுடன் இறக்கிப் பரிமாறவும்.

குறிப்புகள்: