தேவையான பொருட்கள்:

உருளைக்கிழங்கு - 3

பெரிய வெங்காயம் - 2

தக்காளி - 4

பச்சை பட்டாணி - சிறிதளவு

உப்பு - தேவையான அளவு

அரைக்க:

இஞ்சி - ஒரு துண்டு

பூண்டு - 6 பல்

மிளகாய் தூள் - 2 தேக்கரண்டி

தனியா தூள் - 1/2 தேக்கரண்டி

சோம்பு - 1/2 தேக்கரண்டி

தனியாக அரைக்க:

தேங்காய் துருவல் - 3 மேசைகரண்டி

பொட்டுக்கடலை - 2 தேக்கரண்டி

தாளிக்க:

எண்ணெய் - 1/4 கப்

பட்டை - ஒரு துண்டு

கறிவேப்பிலை - சிறிதளவு

செய்முறை:

உருளைக்கிழங்கு தோல் சீவி, சற்றுப் பெரிய துண்டுகளாக நறுக்குங்கள்.

பச்சை பட்டாணி 10 நிமிடம் ஊறவைக்கவும்.

பெரிய வெங்காயம், தக்காளியை பொடியாக நறுக்குங்கள்.

அரைக்கக் கொடுத்துள்ள பொருட்களை ஒன்றாக அரைத்தெடுங்கள்.

பொட்டுக்கடலை, தேங்காயைத் தனியாக அரையுங்கள்.

எண்ணெயைக் காயவைத்து, பட்டை, கறிவேப்பிலை தாளித்து வெங்காயம் சேருங்கள். வெங்காயம் நன்கு வதங்கியதும், தக்காளி, பச்சை பட்டாணி, உருளைக்கிழங்கு, அரைத்த விழுது, தேவையான அளவு உப்பு சேர்த்து பச்சை வாசனை போகும் வரை வதக்குங்கள்.

பிறகு இரண்டு கப் தண்ணீர் சேர்த்து உருளைக்கிழங்கு வேகும் வரை கொதிக்க விடுங்கள்.

பிறகு அரைத்த தேங்காய் விழுதை ஒரு கப் தண்ணீரில் கரைத்து சேருங்கள்.

கைவிடாமல் கிளறி, 5 நிமிடம் கொதித்ததும் இறக்கி பரிமாறவும்.

குறிப்புகள்: