தேவையான பொருட்கள்:

கோழிக்கறி - 1 கிலோ

பெரிய வெங்காயம் - 1

தக்காளி - 3

இஞ்சி - 3 அங்குலத் துண்டு

பூண்டு - 15 பல்

கொத்தமல்லித் தழை - சிறிது

கறிவேப்பிலை - 12 இலைகள்

துருவிய தேங்காய் - 1/2 கப்

உலர்ந்த மிளகாய் - 8

கசகசா - 2 தேக்கரண்டி

மல்லி - 1 தேக்கரண்டி

சீரகம் - 1/2 தேக்கரண்டி

ஏலக்காய் - 3

கிராம்பு - 2

பட்டை - சிறு துண்டு

சோம்பு - 1 தேக்கரண்டி

ஜாதிக்காய் - அரைத் துண்டு

மிளகாய்த்தூள் - 1 தேக்கரண்டி

மஞ்சள்தூள் - 1/2 தேக்கரண்டி

எலுமிச்சை சாறு - 1 மேசைக்கரண்டி

எண்ணெய் - 1/2 கப்

உப்பு - தேவையான அளவு

செய்முறை:

கோழியை நன்கு சுத்தம் செய்து கொண்டு 12 துண்டுகளாக நறுக்கிக் கொள்ளவும்.

வெங்காயம் தக்காளியைக் கழுவி நறுக்கிக் கொள்ளவும். இஞ்சி பூண்டினைத் தோலுரித்துப் பொடியாக நறுக்கவும். கொத்தமல்லித்தழை, கறிவேப்பிலையைக் கழுவிக் காயவிடவும்.

ஒரு வாணலியில் ஒரு மேசைக்கரண்டி எண்ணெய் விட்டு காயந்ததும் மிளகாய், துருவிய தேங்காய், கசகசா, கிராம்பு, பட்டை, மல்லி விதை, சீரகம், சோம்பு, ஜாதிக்காய் ஆகியவற்றைப் போட்டு வறுத்து எடுத்து இஞ்சி, பூண்டுடன் சேர்த்து விழுதாக அரைத்துக் கொள்ளவும்.

மீதமுள்ள எண்ணெய்யை ஒரு வாணலியில் இட்டு சூடாக்கி, நறுக்கின வெங்காயத்தை அதில் போட்டு பொன்னிறமாகும் வரை வதக்கவும். அத்துடன் கறிவேப்பிலை இலைகளையும் அரைத்து வைத்துள்ள மசாலாவினையும் சேர்க்கவும்.

சுமார் 3 நிமிடங்களுக்கு நன்கு வதக்கின பிறகு தக்காளி, மிளகாய்த்தூள் மற்றும் மஞ்சள் தூள் சேர்த்து கிளறி வேகவிடவும்.

அதன் பிறகு கோழித் துண்டங்களைச் சேர்த்து சிறிது நேரம் வேகவிடவும். இரண்டு கப் தண்ணீர் ஊற்றி, எலுமிச்சை சாறு மற்றும் தேவையான உப்பு சேர்த்து மிதமான தீயில் நன்கு வேகவிடவும்.

கோழி நன்கு வெந்து மிருதுவானவுடன் இறக்கி, மல்லித் தழை தூவிப் பரிமாறவும்.

குறிப்புகள்: