தேவையான பொருட்கள்:

காளான் - 1/4 கிலோ

பார்லி - 1/2 கோப்பை

நறுக்கிய வெங்காயம் - 1

பூண்டு - 4 பற்கள்

உலர்ந்த காளான் - 1/4 கோப்பை

வெஜிடபிள் ஸ்டாக் - 1 லிட்டர்

ரெடிமேடாக நறுக்கிய தக்காளி - ஒரு டின் (19 அவுன்ஸ்)

உலர்ந்த தைம் இலை - 1 தேக்கரண்டி

நறுக்கிய பார்ஸ்லி இலை - 1 மேசைக்கரண்டி

மிளகு தூள் - 1 தேக்கரண்டி

எண்ணெய் - 2 மேசைக்கரண்டி

உப்பு தூள் - 1 தேக்கரண்டி

செய்முறை:

காளானை சுத்தம் செய்து மெல்லியதாக நறுக்கி வைக்கவும்.

வெங்காயத்தை பொடியாக நறுக்கவும். பூண்டை நசுக்கி வைக்கவும்.

ஒரு பெரிய பாத்திரத்தில் எண்ணெயை காயவைத்து முதலில் நறுக்கிய காளானைப் போட்டு சிவக்க வதக்கி தனியாக எடுத்து வைக்கவும்.

பிறகு அதே எண்ணெயில் வெங்காயத்தைப் போட்டு வதக்கவும்.

தொடர்ந்து பூண்டைச் சேர்த்து வதக்கி விட்டு வெஜிடபிள் ஸ்டாக்கை ஊற்றவும்.

பிறகு தக்காளி, பார்லி, காய்ந்த காளான் துண்டுகள், தைம் இலை, மிளகுத்தூள் ஆகியவற்றைப் போட்டு கலக்கி விட்டு கொதிக்க விடவும்.

நன்கு கொதிக்கும் பொழுது அடுப்பின் அனலைக் குறைத்து வைத்து மூடியைப் போட்டு நாற்பத்தைந்து நிமிடங்களுக்கு வைத்திருக்கவும்.

அல்லது பார்லி நன்கு வேகும் வரை அடுப்பில் வைத்திருந்து கடைசியில் வதக்கியுள்ள காளான்களைப் போட்டு உப்பைச் சேர்த்து நன்கு கலக்கி விட்டு பார்ஸ்லி இலையைத் தூவி இறக்கி சூப் பவுலில் சூடாக பரிமாறவும்.

குறிப்புகள்: