தேவையான பொருட்கள்:

ரவை - 3 கப்

வெங்காயம் - 1

தக்காளி - 2

பூண்டு - 6 பல்

பொடியாக நறுக்கிய காரட், பீன்ஸ், பட்டாணி - 1 கப்

பட்டை - 2

பிரியாணி இலை - 2

கறிவேப்பில்லை - 5 இலை

கொத்தமல்லி - சிறிதளவு

பச்சை மிளகாய் - 2

மஞ்சள் தூள் - 1/2 தேக்கரண்டி

நெய் - 1 தேக்கரண்டி

முந்திரி - 10

எண்ணெய் - 2 மேசைக்கரண்டி

உப்பு - தேவைக்கு

செய்முறை:

முதலில் வெங்காயம், தக்காளியை நீளமாக அரிந்து கொள்ளவும்.

பூண்டினை தோல் உரித்து வைக்கவும்.

பச்சை மிளகாயினை இரண்டாக பிளந்து கொள்ளவும்.

முதலில் நாண் ஸ்டிக் கடாயில் 1 தேக்கரண்டி எண்ணெய் ஊற்றி முதலில் முந்திரியை வறுத்து தனியாக வைத்து பின் அதில் ரவையை வறுத்து அதையும் தனியே வைக்கவும்.

பிறகு அதே கடாயில் மீதி எண்ணெய் ஊற்றி பட்டை மற்றும் பிரியாணி இலை போடவும்.

அதன் பின் தோல் உரித்து வைத்துள்ள பூண்டு சேர்க்கவும்.

பிறகு வெங்காயம், கறிவேப்பில்லை சேர்த்து வதக்கவும். பிறகு நறுக்கிவைத்துள்ள 1 கப் காரட், பீன்ஸ் மற்றும் பட்டாணியை சேர்த்து நன்றாக வதக்கவும்.

பிறகு பச்சை மிளகாய் மற்றும் தக்காளியை சேர்த்து வதக்கவும்.

பின்னர் 6 கப் தண்ணீர் ஊற்றி மஞ்சள் தூள் மற்றும் உப்பு சேர்த்து நன்றாக கொதிக்க விடவும்.

கொதி வந்தவுடன் வறுத்து தனியே வைத்துள்ள ரவையை இதில் கொட்டி கட்டி இல்லாமல் நன்றாக கிளறி தட்டு போட்டு மூடி 5 - 8 நிமிடம் வேகவைக்கவும்.

பிறகு வறுத்து வைத்துள்ள முந்திரி மற்றும் கொத்தமல்லி தூவி நன்றாக கிளறவும்.

கடைசியில் 1 தேக்கரண்டி நெய் சேர்த்து கிளறவும்.

குறிப்புகள்:

இதனை தேங்காய சட்னி, பஜ்ஜியுடன் சாப்பிட சுவையாக இருக்கும்.