தேவையான பொருட்கள்:

மாவு கரைக்க:

ரவா - ஒரு கப்

அரிசி மாவு - கால் கப்

தயிர் - கால் கப்

தண்ணீர் - 2 1/2 கப்

தோசை சுடுவதற்கு நெய் அல்லது எண்ணெய் - 1/4 கப்

உப்பு - ஒரு தேக்கரண்டி

ருசிக்கு:

இரண்டாக உடைத்த முந்திரிப் பருப்பு - 10 பருப்பு

முழு குருமிளகு - 10

மிகப் பொடியாக நறுக்கிய பச்சை மிளகாய் - 2

சீரகம் - 1/2 தேக்கரண்டி

மிகப் பொடியாக நறுக்கிய இஞ்சி - ஒரு இன்ச் துண்டு

மிகப் பொடியாக நறுக்கிய வெங்காயம் - 2

செய்முறை:

மாவு கரைக்க கொடுத்துள்ள பொருட்களை ஒன்றாக கரைத்து வைக்கவும். ஆப்ப மாவை விட இளகியது போல் கரைக்க வேண்டும்.

கரைத்த மாவுடன் சீரகத்தை கலந்து வைக்கவும். பிறகு 1/2 தேக்கரண்டி நெய் அல்லது எண்ணெய் காயவைத்து அதில் முந்திரி, குருமிளகு சேர்த்து முந்திரி நிறம் மாறியதும் தீயை அணைத்து விட்டு கரைத்த மாவில் கொட்டி கிளறவும்.

வெங்காயம், இஞ்சி, பச்சை மிளகாயை கலந்து வைக்கவும். தோசை தவாவை காயவைத்து அதில் ஒரு கரண்டி மாவை சுற்றி ஊற்ற அது தானாகவே பரவிக் கொள்ளும்.

உடனே மேலே 3 தேக்கரண்டி வெங்காயம், மிளகாய், இஞ்சி தூவி நெய் தெளித்து ஒரு புறம் வெந்ததும் திருப்பி மறுபுறமும் நன்கு மொறுகவிட்டு எடுத்து சூடாக பரிமாறவும்.

குறிப்புகள்:

தேங்காய் சட்னி ரொம்பவும் அருமையாக இருக்கும்.