தேவையான பொருட்கள்:

பாசிபருப்பு - 1 கப்

காய்ந்த மிளகாய் - 3 அல்லது 4

சிறிய வெங்காயம் - 1/4 கப்

பெரிய வெங்காயம் - 1

சீரகம் - 1/2 தேக்கரண்டி

கறிவேப்பிலை - தேவையான அளவு

கொத்தமல்லி - தேவையான அளவு

எண்ணெய் - தேவையான அளவு

உப்பு - தேவையான அளவு

செய்முறை:

பாசிபருப்பை நன்கு ஊற வைக்கவும். சிறிய வெங்காயத்தை உரித்துக் கொள்ளவும்

பாசிப்பருப்பை மிக்ஸியில் ஒரு சுற்று சுற்றி அதனுடன் மிளகாய், சிறிய வெங்காயம், கறிவேப்பிலை, சீரகம், உப்பு சேர்க்கவும். தேவையான அளவு நீர் சேர்த்து நன்கு அரைக்கவும்.

அதில் பொடியாக நறுக்கிய பெரிய வெங்காயம், கொத்தமல்லி தழை சேர்த்து நன்கு கலந்து விடவும்

தோசைக்கல்லை சுட வைத்து அதில் மாவை தோசையாக வார்க்கவும். சுற்றிலும் எண்ணெய் விடவும்

சிவந்ததும் திருப்பி போட்டு வேக விடவும். இது நன்கு வேக வேண்டும். மிதமான தீயிலேயே சுட வேண்டும்.

குறிப்புகள்:

விரும்பினால் இஞ்சி சேர்க்கலாம். கேரட், தேங்காய் போன்றவையும் குழந்தைகளுக்கு கொடுக்கும் போது சேர்க்கலாம். வளரும் குழந்தைகளுக்கு மிகவும் சத்தான தோசை இது. பச்சை மிளகாய் சேர்த்து செய்தால் ஆம்லெட் போலவே இருக்கும். சூடாக சாப்பிட வேண்டும்.