தேவையான பொருட்கள்:

கழுவி நறுக்கிய முட்டை கோஸ் - 1/4 கிலோ

உளுந்து - 1/2 தேக்கரண்டி

பச்சைமிளகாய் - 4

நறுக்கிய வெங்காயம் - 1/2 கப்

தேங்காய் - 1/4 மூடி

கறிவேப்பிலை - 1 இனுக்கு

உப்பு - தேவையான அளவு

தாளிக்க:

கடுகு, உளுந்து - 1/2 தேக்கரண்டி

கறிவேப்பிலை - 1 இனுக்கு

வெங்காயம் (தாளிக்க பொடியாக நறுக்கியது) - 2 தேக்கரண்டி

மிளகாய் வத்தல் - 3

எண்ணெய் - தேவையான அளவு

செய்முறை:

வாணலியில் 1/4 தேக்கரண்டி எண்ணைய் ஊற்றி முட்டைகோசை வதக்கி எடுக்கவும்.

அதே வாணலியில் உளுந்தை வறுத்து எடுக்கவும்.

பின் பச்சைமிளகாய், வெங்காயம், தேங்காய், கறிவேப்பிலை போட்டு நன்கு வதக்கவும்.

ஆறியபின் எல்லாவற்றையும் உப்பு சேர்த்து நன்கு அரைக்கவும்.

வாணலியில் 3 தேக்கரண்டி எண்ணைய் ஊற்றி தாளிக்க வேண்டியவைகளை போட்டு நன்கு வதக்கி பின் அரைத்த சட்னியை ஊற்றி ஒரு கொதி வந்ததும் இறக்கி பரிமாறலாம்.

குறிப்புகள்:

தோசைக்கு நன்றாக இருக்கும்.