தேவையான பொருட்கள்:

பெரிய நெல்லிக்காய் - 4

மிளகாய் வற்றல் - 5

உளுந்து - 6 தேக்கரண்டி

புளி - சிறிது

தேங்காய் - சிறிது

கறிவேப்பிலை (விரும்பினால்) - சிறிது

எண்ணெய் - 2 தேக்கரண்டி

உப்பு - தேவையான அளவு

செய்முறை:

நெல்லிக்காயை விதை நீக்கி எடுத்து வைத்துக் கொள்ளவும்.

இட்லி பாத்திரத்தில் விதை நீக்கின நெல்லிக்காயை வைத்து 10 நிமிடம் ஆவியில் வேக வைத்து எடுக்கவும்.

வாணலியில் எண்ணெய் ஊற்றி காய்ந்ததும் உளுந்து, மிளகாய் வற்றல், விரும்பினால் சிறிது கறிவேப்பிலை சேர்த்து வறுத்து எடுக்கவும்.

மிக்ஸியில் வறுத்தவற்றை போட்டு சிறிது தேங்காய், புளி, உப்பு, நெல்லிக்காய் சேர்த்து தேவையான தண்ணீர் விட்டு கெட்டியான சட்னியாக அரைத்து எடுக்கவும்.

குறிப்புகள்:

இதை இட்லி, தோசையுடன் சாப்பிடலாம்.

விரும்பினால் தயிர் சாதம், சாம்பார் சாதத்துடன் துவையலாகவும் சாப்பிடலாம்.