தேவையான பொருட்கள்:

கோவக்காய் - 100 கிராம்

வெங்காயம் - 1/2

பூண்டு - 10 பல்

காய்ந்த மிளகாய் - 5

பச்சை மிளகாய் - 5

முழு தனியா - 1 மேசைக்கரண்டி

வெந்தயம் - 1/2 தேக்கரண்டி

புளி - சிறிது

எண்ணெய் - தேவையான அளவு

உப்பு - தேவையான அளவு

தாளிக்க:

கடுகு - 1/4 தேக்கரண்டி

கறிவேப்பிலை - சிறிது

செய்முறை:

தேவையான பொருட்களை தயாராக வைத்துக் கொள்ளவும். வெங்காயத்தை நீளமாக நறுக்கி கொள்ளவும்.

கோவக்காயை நன்கு அலசி விட்டு இருமுனைகளையும் நறுக்கி எடுத்து விடவும். பிறகு நீளவாக்கில் நான்காக நறுக்கி கொள்ளவும்.

ஒரு கடாயில் சிறிது எண்ணெய் விட்டு நறுக்கிய கோவக்காய், வெங்காயம், பூண்டு, காய்ந்த மிளகாய், பச்சை மிளகாய், வெந்தயம், முழு தனியா மற்றும் புளி எல்லாம் சேர்த்து நன்கு வதக்கவும்.

கோவக்காய் நன்கு வதங்கியதும், அடுப்பை நிறுத்திவிட்டு எல்லாவற்றையும் நன்கு ஆற வைக்கவும்.

பிறகு தேவையான அளவு உப்பு சேர்த்து மிக்ஸியில் அரைத்துக் கொள்ளவும். அரைக்கும் போது, கோவக்காய் தவிர மற்ற பொருட்கள் சேர்த்து நன்கு அரைத்து விட்டு, கடைசியில் கோவக்காய் சேர்த்து அரைக்கவும்.

கடுகு, கறிவேப்பிலை தாளித்து சேர்க்கவும்.

குறிப்புகள்:

கோவக்காய் சட்னி இட்லி, தோசைக்கு நன்கு பொருந்தும்.

சாதத்துடன் சாப்பிடவும் நன்றாக இருக்கும்.