தேவையான பொருட்கள்:

பூண்டு - 12

கடலை மாவு - 2 கப்

அரிசி மாவு - 1 கப்

பொட்டுகடலை மாவு - 1 கப்

தனி மிளகாய் தூள் - 1 மேசைக்கரண்டி

எண்ணெய் - 1 1/2 கப்

உப்பு - 1/2 தேக்கரண்டி

செய்முறை:

கடலை மாவு, அரிசி மாவு, பொட்டுக்கடலை மாவு மூன்றையும் சலித்து எடுத்துக் கொள்ளவும். பூண்டை தோல் உரித்து எடுத்துக் கொள்ளவும். மற்ற தேவையான அனைத்து பொருட்களையும் தயாராக எடுத்துக் கொள்ளவும்.

மிக்ஸியில் பூண்டு பற்கள், மிளகாய் தூள், உப்பு மூன்றையும் ஒன்றாக போட்டு விழுதாக அரைத்து எடுத்துக் கொள்ளவும்.

ஒரு பாத்திரத்தில் சலித்த கடலை மாவு, அரிசி மாவு, பொட்டுகடலை மாவு ஆகியவற்றை போட்டு அதனுடன் அரைத்த விழுதை போடவும்.

அதில் அரை கப் தண்ணீரை சிறிது சிறிதாக தெளித்து மிருதுவாக சப்பாத்தி மாவு பதத்தில் பிசைந்துக் கொள்ளவும். பிசைந்த பிறகு கையில் ஒட்டாமல் இருக்க வேண்டும். மாவை பிசைந்த பிறகு காரசேவு கரண்டியில், ஒரு முறை தேய்த்து பார்க்கவும்.

வாணலியில் எண்ணெய் ஊற்றி காய்ந்ததும் அதிலிருந்து ஒரு மேசைக்கரண்டி அளவு எண்ணெயை எடுத்து பிசைந்து வைத்திருக்கும் மாவுடன் ஊற்றி ஒரு முறை நன்கு பிசைந்துக் கொள்ளவும். எண்ணெய் காய்ந்ததும் காரசேவு கரண்டியை எண்ணெயின் மேல் புறம் பிடித்து கொண்டு அதில் மாவை வைத்து உள்ளங்கைகளால் அலுத்தி தேய்த்து விடவும். கம்பி போல் விழ வேண்டும்.

பின்னர் 2 நிமிடம் கழித்து திருப்பி போட்டு எண்ணெய் சத்தம் அடங்கி, பொன்னிறமாக ஆனதும் எடுத்து விடவும்.

கார சேவை எண்ணெய்யிலிருந்து எடுத்து ஒரு பாத்திரத்தை வைத்து அதன் மேல் எண்ணெய் வடிகட்டியை வைத்து அதில் போடவும். எண்ணெய் வடிந்ததும் எடுத்து விடவும்.

குறிப்புகள்: