தேவையான பொருட்கள்:

சிக்கன் - 100 கிராம்

பச்சை மிளகாய் - ஒன்று

பூண்டு - 3 பல்

இஞ்சி - ஒரு சிறு துண்டு

மஞ்சள் தூள் - 1/2 தேக்கரண்டி

கார்ன் ஃப்ளார் - 2 தேக்கரண்டி

சோம்பு - 1/2 தேக்கரண்டி

பெரிய வெங்காயம் - பாதி

பட்டை - சிறிது

கிராம்பு - 2

புதினா - 5 இலைகள்

எண்ணெய் - வடை பொரிக்க தேவையான அளவு

உப்பு - தேவையான அளவு

செய்முறை:

புதினா மற்றும் வெங்காயத்தைப் பொடியாக நறுக்கிக் கொள்ளவும். சிக்கனை எலும்பில்லாமல் சிறு துண்டுகளாக நறுக்கிக் கழுவி தண்ணீரைப் பிழிந்து வைக்கவும். சிக்கனுடன் பச்சை மிளகாய், பூண்டு, இஞ்சி, உப்பு, சோம்பு, பட்டை, கிராம்பு மற்றும் சிறிது புதினா சேர்த்து தண்ணீர் விடாமல் கெட்டியாக அரைத்துக் கொள்ளவும்.

அரைத்த சிக்கனுடன் கார்ன் ஃப்ளார், வெங்காயம் மற்றும் சிறிது புதினா சேர்த்துப் பிசையவும்.

சிறிய மூடியில் எண்ணெய் தடவி சிக்கன் கலவையை சிறு உருண்டைகளாக வைத்து அழுத்தி எடுக்கவும். (கையில் லேசாக எண்ணெய் தடவிக் கொண்டு வடைகளாகத் தட்டலாம்). வாணலியில் எண்ணெய் ஊற்றி காய்ந்தவுடன் 4, 5 வடைகளாகப் போட்டு இருபுறமும் சிவக்க வெந்தவுடன் எடுத்து பரிமாறவும்.

குறிப்புகள்: