தேவையான பொருட்கள்:

மைதா மாவு - 5 க்ளாஸ்

நெய் - 50 கிராம்

இறால் - 300 கிராம்

உருளைக்கிழங்கு - 300 கிராம்

கேரட் - இரண்டு

பச்சைபட்டாணி - 1 கோப்பை

வெங்காயம் - 1

பச்சைமிளகாய் - 2

கரம் மசாலாத்தூள் - 2 தேக்கரண்டி

இஞ்சி பூண்டு விழுது - 2 தேக்கரண்டி

மஞ்சள்தூள் - 1 மேசைக்கரண்டி

எண்ணெய் - 1/2 லிட்டர்

உப்பு - 1 தேக்கரண்டி

செய்முறை:

உருளைக்கிழங்கு, கேரட், பட்டாணியை நன்றாக வேக விடவும். வெங்காயத்தை நறுக்கிக் கொள்ளவும். பச்சைமிளகாய், மல்லித்தழையை பொடியாக நறுக்கவும்.

நெய்யை சூடுப்பண்ணி மாவில் ஊற்றி நன்றாக பிசைந்து அரைகப் தண்ணீர் சேர்த்து பிசைந்து சின்ன சின்ன உருண்டைகளாக போட்டு அரைமணி நேரம் வைக்கவும்.

வேகவைத்த காய்களை தோல் எடுத்து உருளைக்கிழங்கை உதிர்த்து வைக்கவும். கேரட்டை பொடியாக நறுக்கவும்.

ஒரு வாணலியில் ஐந்துகரண்டி எண்ணெய் ஊற்றி வெங்காயத்தை வதக்கவும். இதில் இறாலை போட்டு அதனுடன் எல்லா தூள்களையும் போட்டு நன்கு பொரியவிடவும்.

இறால் பாதி வெந்ததும் அதில் வேகவைத்த காய்களைப் போட்டு ஐந்து நிமிடம் கழித்து இறக்கி வைக்கவும்.

பின் ஒரு உருண்டையை எடுத்து மெல்லிய அப்பளமாக இட்டு அதில் ஒன்றரைகரண்டி மசாலா கலவையை எடுத்து அதில் வைத்து சுற்றிலும் தண்ணீர் தடவி முக்கோணமாக மடிக்கவும். இதே போல எல்லா உருண்டைகளையும் செய்து வைக்கவும்.

ஒரு பெரிய வாணலியில் எண்ணெய் ஊற்றி நன்கு காய்ந்ததும் அதில் சமோசாக்களைப் போட்டு இருபுறமும் சிவக்க விட்டு பொரித்து எடுத்து பரிமாறவும்.

குறிப்புகள்: