தேவையான பொருட்கள்:

ப்ரெட் ஸ்லைஸ் - 12

காய் வேக வைக்க:

உருளைக்கிழங்கு - ஒன்று (பொடியாக நறுக்கிக் கொள்ளவும்)

கேரட் - ஒன்று (பொடியாக நறுக்கிக் கொள்ளவும்)

பீன்ஸ் - நான்கு (பொடியாக நறிக்கிக் கொள்ளவும்)

ஃப்ரோஸன் பட்டாணி - ஒரு டேபிள் ஸ்பூன்

ஃப்ரோஸன் கார்ன் - ஒரு டேபிள் ஸ்பூன்

மிளகாய் தூள் - அரை தேக்கரண்டி

மஞ்சள் தூள் - கால் தேக்கரண்டி

உப்பு தூள் - ஒரு தேக்கரண்டி

வதக்கி கொள்ள:

வெங்காயம் - 200 கிராம் (பொடியாக நறுக்கியது)

கரம் மசாலா தூள் - அரை தேக்கரண்டி

கொத்தமல்லி தழை - கால் கட்டு (பொடியாக நறுக்கியது)

பச்சை மிளகாய் - இரண்டு (பொடியாக நறுக்கியது)

எண்ணெய் - இரண்டு தேக்கரண்டி

இஞ்சி பூண்டு பேஸ்ட் - அரை தேக்கரண்டி

செய்முறை:

காய்களை பொடியாக நறுக்கி உப்பு, மஞ்சள் பொடி, மிளகாய் தூள் சேர்த்து கால் டம்ளர் தண்ணீர் ஊற்றி தீயை சிம்மில் வைத்து ஏழு நிமிடம் வேக வைக்கவும். அதற்குள் தண்ணீர் சுருண்டு விடும் இல்லை என்றால் தண்ணீரை வற்ற விட்டு கொள்ள வேண்டியது.

ஒரு வாணலியில் எண்ணெய் ஊற்றி அதில் வெங்காயம், பச்சை மிளகாய், இஞ்சி பூண்டு போட்டு நன்கு வதக்கி, மஞ்சள் தூள், மீதி உப்பு, கரம் மசாலா போட்டு நன்கு கிளறி, கொத்தமல்லி தழை, வெந்து சுருண்ட காய்கறிகள் சேர்த்து கிளறி ஆற வைக்கவும்.

இது பிரெட் டோஸ்டரில் செய்வது:

இரண்டு ப்ரெட்டை எடுத்து அதில் காய்கறி கலவையை பரவலாக வைத்து டோஸ்டரில் மேலும் கீழும் பட்டர் தடவி டோஸ்டரை மூடவும். இரண்டு நிமிடத்தில் வெந்து நல்ல க்ரிஸ்பியாக வரும்.

குறிப்புகள்:

இது பள்ளிக்கும் கொடுத்து அனுப்பலாம். காலை, மாலை டிபனாகவும் சாப்பிடலாம். டூருக்கும் எடுத்து செல்லலாம்

டோஸ்டர் இல்லாதவர்கள் தோசை தவ்வாவில் பட்டர் போட்டு இரண்டு ப்ரெட்டையும் தனித்தனியாக லேசாக பொரித்தெடுத்து வெஜ் கலவையை பரவலாக வைத்து நன்கு அழுத்தி விட்டு மறுபடியும் இரண்டு பக்கம் மட்டும் பொன்முருகலாக பொரித்தெடுத்து சாப்பிடவும்