தேவையான பொருட்கள்:

ப்ரெட் துண்டுகள் - 4

முட்டை - 4

பட்டர் அல்லது நெய் - 2 மேசைக்கரண்டி

உப்பு - 1 தேக்கரண்டி

மிளகு தூள் - 1/2 தேக்கரண்டி

செய்முறை:

முதலில் ப்ரெட் துண்டுகளை எடுத்து கொள்ளவும்.

ஒரு ப்ரெட் துண்டினை எடுத்து அதில் நடுவில் வட்ட வடிவில் வெட்டி கொள்ளவும். ( குக்கீ கட்டர் அல்லது டிப்பன் பாக்ஸ் மேல் மூடி வைத்து வெட்டி விடவும்).

தோசைக் கல்லினை காயவைக்கவும். அதில் ஒரு ப்ரெட் துண்டினை வைக்கவும்.

பிறகு ப்ரெட் துண்டின் நடுவில் உள்ள ஓட்டையில் முட்டையினை உடைத்து ஊற்றவும்.

முட்டை மேல் சிறிது உப்பு மற்றும் மிளகு தூள் தூவி ப்ரெட்டினை சுற்றி சிறிது நெய்யினை ஊற்றவும்.

2 நிமிடம் கழித்து திருப்பி போட்டு வேகவிடவும்.

இப்பொழுது சுவையான ப்ரெட் குழியில் முட்டை ரெடி.

குறிப்புகள்:

ப்ரெட்டின் நடுவில் ஒட்டை போட்டு அதில் முட்டையினை ஊற்றி வேக வைப்பதால் மிகவும் வித்தியாசமாக இருக்கும். குழந்தைகள் விரும்பி சாப்பிடுவார்கள்.