தேவையான பொருட்கள்:

1. தேங்காய் துருவல் - 1 கப்

2. சின்ன வெங்காயம் - 3

3. மிளகாய் வற்றல் - 3

4. உப்பு - சுவைக்கு

5. எலுமிச்சை சாறு - 1/2 தேக்கரண்டி [விரும்பினால்]

6. டின் டூனா மீன் - 1 மேஜைக்கரண்டி [விரும்பினால்]

செய்முறை:

தேங்காய் துருவலுடன் மிளகாய் வற்றலை விதை நீக்கி சேர்த்து இடிக்கவும். அல்லது மிக்சியில் நீர் இல்லாமல் சுற்றி எடுக்கவும்.

இதில் உப்பு மற்றும் சின்ன வெங்காயம் சேர்த்து மீண்டும் ஒரு சுற்று சுற்றி எடுக்கவும்.

விரும்பினால் வெங்காயத்துடனே டூனா மீன் சேர்த்து இடித்து எடுக்கலாம்.

கடைசியாக கலவையுடன் எலுமிச்சை சாறு கலந்து பரிமாறலாம். எலுமிச்சை சேர்க்காமலும் பரிமாறலாம்.

குறிப்புகள்:

அதிக நேரம் மிக்ஸியில் சுற்றிவிட கூடாது. மிளகாய் அரைக்கப்பட்டு தேங்காயோடு ஒன்றாக கலந்தால் போதுமானது. பொல் என்றால் தேங்காய் (நன்றி இமா :)) இது இலங்கையில் சுவைத்து மிகவும் பிடித்த பக்க உணவு. இது இடியாப்பத்துடன் சாப்பிட சூப்பரா இருக்கும். நம்ம தோசைக்கும் நல்லா இருக்கும். எங்கள் ட்ரைவர் சொன்னதை வைத்து முயற்சித்தது. சந்தேகங்களை தீர்த்து வைத்தமைக்கு ஸ்பெஷல் தேன்க்ஸ் டூ இமா. :) இமா சொன்னபடி இது சாதத்துக்கும், ப்ரெட்டுக்கும் கூட சூப்பரா இருக்குமாம்.