தேவையான பொருட்கள்:

துருவிய சீஸ் - அரை கப்

மைதா மாவு - ஒரு கப்

முந்திரிப்பருப்பு - 15

மல்லிக்கீரை - பாதி கட்டு

பச்சை மிளகாய் - 5

ரஸ்க் தூள் - அரை கப்

எண்ணெய் - சுமார் அரை லிட்டர்

உப்பு - 3/4 ஸ்பூன்

செய்முறை:

பச்சை மிளகாய், முந்திரிப்பருப்பை பொடியாக நறுக்கி, அத்துடன் எண்ணெய், ரஸ்க் தூள் தவிர அனைத்து பொருட்களையும் சேர்த்து லேசாக தண்ணீர் தெளித்து சிறு சிறு உருண்டைகளாக உருட்டவும்.

எண்ணெயை காயவைத்து ரஸ்க் தூளில் உருண்டைகளை புரட்டி, உடனே பொரித்தெடுக்கவும்.

குறிப்புகள்:

உருண்டையில் ரஸ்க் தூள் சரியாக ஒட்டவில்லையென்றால் மட்டும், ஒரு முட்டையை கலக்கி அதில் உருண்டைகளை ஒவ்வொன்றாக நனைத்து பிறகு பிரட்டி எடுக்கலாம். மாவை உருட்டியவுடனேயே பொரித்துவிடவும். அதிகமான நேரம் வைத்திருந்தால் பொரிக்கும்போது உடையலாம். திடீர் விருந்தாளிக்கு உடனே செய்து பரிமாறலாம்.