தேவையான பொருட்கள்:

கோவா (Cabbage) - பாதியளவு (வெள்ளை அல்லது ஊதா நிறத்தில் இருப்பது)

பச்சைநிற அப்பிள் - 1

மிளகுதூள் - 1/2 தேக்கரண்டி

ஒலிவ் ஓயில் - 2 மேசைக்கரண்டி

வெங்காயம் - 1

எலுமிச்சைச்சாறு - ஒரு பாதி

உப்பு - தேவையான அளவு

செய்முறை:

கோவாவை கழுவி பொடியாக நறுக்கவும்.

நறுக்கிய கோவாவுடன், மிளகுதூள், உப்பு, ஒலிவ் ஓயில் சேர்த்து கலந்து குளிர்சாதனப் பெட்டியில் 1/2 மணி நேரம் வைக்கவும்.

ஆப்பிளைக் கழுவி தோலுடன் சேர்த்து மெல்லிய சிறு துண்டுகளாக வெட்டவும்.

வெங்காயத்தை பொடியாக நறுக்கவும்.

பரிமாறும் போது வெளியில் எடுத்து பொடியாக நறுக்கிய ஆப்பிள், வெங்காயத்தைப் போட்டு எலுமிச்சைச் சாறு சேர்த்து கலந்து பரிமாறவும்.

குறிப்புகள்:

விரும்பினால் சாலட் சாஸ் சேர்த்தும் பரிமாறலாம். பச்சை நிற ஆப்பிள் தான் மிகவும் நன்றாக இருக்கும். ஏனெனில் அதில் புளிப்புச் சுவை கூடுதலாக இருக்கும். இது தனியாக சாலட்டாகவும் சாப்பிடலாம். பிரியாணி மற்றும் சோறு கறியுடனும் சேர்த்து சாப்பிடலாம்.