ஹலீம் கஞ்சி
0
தேவையான பொருட்கள்:
ஓட்ஸ் - ஒரு கப்
கேரட் - ஒன்று
உருளைக்கிழங்கு - ஒன்று
வெங்காயம் - ஒன்று
பச்சை மிளகாய் - ஒன்று
இறைச்சி - கால் கிலோ
மல்லித் தழை, புதினா - சிறிது
இஞ்சி, பூண்டு விழுது - கால் தேக்கரண்டி
பட்டை, கிராம்பு, ஏலக்காய் - தலா ஒன்று
மஞ்சள் தூள் - கால் தேக்கரண்டி
கரம் மசாலா தூள் - கால் தேக்கரண்டி
பால் - அரை டம்ளர்
உப்பு - தேவையான அளவு
செய்முறை:
குக்கரில் பொடியாக நறுக்கிய கேரட், வெங்காயம், உருளைக்கிழங்கு மற்றும் சிறு துண்டுகளாக நறுக்கிய இறைச்சி ஆகியவற்றை போட்டு, அதனுடன் மஞ்சள் தூள், இஞ்சி, பூண்டு விழுது, கரம் மசாலா தூள், பட்டை, கிராம்பு மற்றும் ஏலக்காயை போடவும்.
பிறகு இவையனைத்தும் மூழ்கும் அளவு தண்ணீர் ஊற்றி குக்கரை மூடி 4 விசில் வரும் வரை வேகவிடவும்.
விசில் வந்த பின்பு சிறிது நேரம் கழித்து ப்ரஷர் அடங்கியதும் குக்கரைத் திறந்து மல்லித் தழை, புதினா, பச்சை மிளகாய் சேர்க்கவும்.
அதனுடன் ஓட்ஸை சேர்த்து மேலும் சிறிது தண்ணீர் ஊற்றி மூடி மீண்டும் 2 விசில் வரும் வரை வேகவிடவும்.
ஓட்ஸ் மற்றும் காய்கறிகள் நன்றாக வெந்ததும், சிறிது உப்பு போடவும்.
பிறகு பாலை ஊற்றி கிளறிவிட்டு சிறிது நேரம் அடுப்பில் வைத்திருந்து இறக்கிவிடவும்.
சூடாக சாப்பிட சுவையான சத்துள்ள ஹலீம் கஞ்சி ரெடி.