தேவையான பொருட்கள்:

குபூஸ் - நான்கு

சிக்கன் ஊறவைக்க:

போன்லெஸ் சிக்கன் - கால் கிலோ

தயிர் - ஐம்பது மில்லி

ஏலக்காய் தூள் - கால் தேக்கரண்டி

ஆலிவ் ஆயில் - ஒரு மேசைக்கரண்டி

உப்பு - தேவைக்கு

மிளகு தூள் - அரை தேக்கரண்டி

ஷவர்மா சாஸ்:

வெள்ளை எள் - ஐம்பது கிராம்

தயிர் - ஐம்பது மில்லி

பூண்டு - அரை தேக்கரண்டி (அரைத்தது)

எலுமிச்சை - இரண்டு

ஆலிவ் ஆயில் - மூன்று தேக்கரண்டி

பார்ஸ்லி இலைகள் - நான்கு தேக்கரண்டி (பொடியாக அரிந்தது)

உப்பு - அரை தேக்கரண்டி

வெள்ளை மிளகு தூள் - அரை தேக்கரண்டி

பொடேட்டோ பிங்கர்ஸ் - ஒரு பதினாறு ஸ்ட்ரிப்ஸ்

வெள்ளரி - நீளமாக அரிந்து உப்பில் ஊற வைத்தது

---- குபூஸ்க்கு --

மைதா - மூன்று டம்ளர்

பட்டர் - ஐம்பது கிராம்

ஈஸ்ட் - ஒரு பின்ச்

சர்க்கரை - இரண்டு தேக்கரண்டி

சூடான பால் - அரை டம்ளர்

உப்பு - அரை தேக்கரண்டி

செய்முறை:

முதலில் குபூஸ் செய்து கொள்ளுங்கள் (அ) ரெடி மேடாக வாங்கி கொள்ளவும்.

ஷவர்மா சாஸ் - பூண்டுடன் எள், தயிர் சேர்த்து அரைத்து அத்துடன் உப்பு, வெள்ளை மிளகு தூள், பார்ஸ்லி இலைகள், எலுமிச்சைச்சாறு, ஆலிவ் ஆயில் சேர்த்து கலக்கி ஃப்ரிட்ஜில் வைத்து கொள்ள வேண்டும்.

சிக்கனை கழுவி தண்ணீரை வடித்து, தயிரில் மிளகு தூள், உப்பு தூள், ஆலிவ் ஆயில், ஏலக்காய் தூள் சேர்த்து சிக்கனை போட்டு விரவி ஃப்ரிட்ஜில் மூன்று மணி நேரம் நல்ல ஊறவைக்க வேண்டும்.

பிறகு இதை க்ரில் செய்து கொள்ளலாம். க்ரில் இல்லாதவர்கள் தவாவில் போட்டு நல்ல வறுத்து கொள்ளுங்கள்.

பொடேட்டோ (பிரென்ச் பிரைஸ்)பொரித்து வைத்து கொள்ளவேண்டியது.

குபூஸை நடுவில் இரண்டாக பிரிக்கவும். அதில் ஷவர்மா சாஸ்

தடவி வெந்த வறுத்த சிக்கன். குகும்பரை (வெள்ளரிக்காயை) மாவடு உப்பு போட்டு ஊறவைப்பது போல் எடுத்து கொள்ள வேண்டும், பொடேட்டோ எல்லாவற்றையும் அதன் நடுவில் வைத்து குபூஸை ரோல் செய்து சாப்பிடவேண்டியது.

-----------குபூஸ் செய்முறையை:-------

சூடான தண்ணீரில் உப்பு, சர்க்கரை, சூடான பால், ஈஸ்ட், பட்டரை உருக்கி போட்டு கலக்கி கோதுமை, மைதா கலவையில் கலக்கவும்.

ஒரு கட்ட கரண்டி வைத்து கலக்குங்கள் அப்ப தான் கையில் மாவு ஒட்டாது கலக்கி நல்ல குழைத்து மூன்று மணி நேரம் அப்படியே வைக்கவும்.

மாவை சற்று தளர்த்தியாக குழைக்க வேண்டும்.

பிறகு அதை எடுத்தால் புஸ் என்று உப்பி இருக்கும்.

அதை எடுத்து மறுபடியும் குழைத்து ஒரு கமலா பழம் சைஸ் உருண்டை எடுத்து நல்ல நிறைய மைதா மாவு தடவி நடுவிலிருந்து உருட்டவும்.

தேய்க்கும் போதே நல்லா சூப்பரா ரவுண்டு ஷேப் வரும் அதை எடுத்து தவாவில் போட்டு சுட்டெடுக்கவும். நல்ல பொங்கி வரும்.

சூப்பரான குபூஸ் ரெடி.

குறிப்புகள்: