தேவையான பொருட்கள்:

ஸ்கிம்டு பால் பவுடர் - 2 கப்

மைதா - 1 கப்

விப்பிங் கிரீம் (பவுடர்) - 1 கப்

பால் - 1 கப்

பேகிங் பவுடர் - 1 தேக்கரண்டி

சர்க்கரை - 3 கப்

தண்ணீர் - 7 கப்

எண்ணை - பொரித்தெடுக்க

செய்முறை:

சர்க்கரையில் தண்ணீர் சேர்த்து ஒரு கம்பி பதத்திற்கு பாகு காய்ச்சிக் கொள்ளவும்.

தேவையானால் வாசனைக்கு ஏலக்காய் தூள் ஒரு சிட்டிகை, குங்குமப்பூ ஒரு சிட்டிகை சேர்த்துக் கொள்ளலாம்.

ஒரு பாத்திரத்தில் ஸ்கிம்டு பால் பவுடர், மைதா, விப் கிரீம், பேகிங் பவுடர், பால் எல்லாம் ஒன்றாக கலந்து நன்கு பிசைந்து கொள்ள வேண்டும்.

பிசைந்த மாவை இருபது நிமிடம் ஊறவிடவும்.

பின்னர் மாவை நெல்லிக்காய் அளவு எடுத்து ஓவல், உருண்டை என விருப்பமான வடிவில் உருட்டி வைத்துக்கொள்ள வேண்டும்.

பானில் எண்ணை ஊற்றி சூடானதும் மிதமான தீயில் உருண்டைகளை சிவக்க பொரித்தெடுத்து சூடான பாகில் போட்டு ஊறவிடவும்.

குறிப்புகள்:

சூடான ஜாமுன் மீது ஒரு பந்து வெண்ணிலா ஐஸ் கிரீம் போட்டு பரிமாறலாம்.