தேவையான பொருட்கள்:

பச்சரிசி - 100 கிராம்

அச்சு வெல்லம் - 1/4 கிலோ

ஏலக்காய் தூள் - 1/2 தேக்கரண்டி

தேங்காய் - ஒரு மூடி

செய்முறை:

தேங்காயை துருவி வைத்துக் கொள்ளவும். அச்சு வெல்லத்தை நுணுக்கி வைத்துக் கொள்ளவும். அரிசியை மூழ்கும் அளவு தண்ணீர் ஊற்றி அரை மணி நேரம் ஊற வைக்கவும்.

பிறகு தண்ணீரை வடித்து விட்டு மிக்ஸியில் போட்டு சிறிதளவு தண்ணீர் சேர்த்து தேங்காய் துருவலும் போட்டு விழுதாக அரைத்து எடுத்துக் கொள்ளவும்.

ஒரு பாத்திரத்தில் 5 கப் தண்ணீர் ஊற்றி நன்கு கொதிக்க விடவும்.

அரைத்து வைத்திருக்கும் அரிசி தேங்காய் விழுதுடன் 3 கப் தண்ணீர் சேர்த்து கரைத்து அதை கொதிக்க வைத்த தண்ணீருடன் சேர்த்து கைவிடாமல் கிளறவும்.

அதன் பின்னர் 5 நிமிடம் கழித்து நுணுக்கி வைத்திருக்கும் வெல்லத்தை போடவும்.

வெல்லத்தை போட்ட பிறகு நன்கு 15 நிமிடம் கிளறி விடவும். பாயசம் திக்கான பதம் வந்ததும் மேலே ஏலக்காய் தூவி இறக்கி பரிமாறவும்.

குறிப்புகள்:

விருப்பப்பட்டால் முந்திரி, திராட்சையை வறுத்து சேர்க்கவும்.