தேவையான பொருட்கள்:

எலும்பில்லாத சிக்கன் துண்டுகள் - 1/4 கிலோ

ப்ரோக்கலி (அல்லது) காலிஃப்ளவர் - 1 கப் (இரண்டும் கிடைத்தால் கலந்து எடுத்துக் கொள்ளவும்)

முட்டைக்கோஸ் - 1/4 பாகம்

ஸ்ப்ரிங் ஆனியன் (வெங்காயத் தாள்) - 3 (துண்டுகளாக்கவும்)

சோயா சாஸ் - 2 தேக்கரண்டி

சன் ஃப்ளவர் (அல்லது) வெஜிடபுள் எண்ணெய் - 1 மேசைக்கரண்டி

வினிகர் - 1 தேக்கரண்டி

துருவிய இஞ்சி - 1 தேக்கரண்டி

பொடி செய்த நிலக்கடலை - 1 தேக்கரண்டி

கார்ன் ஃப்ளார் - 1 தேக்கரண்டி

தண்ணீர் - 3 தேக்கரண்டி

நல்லெண்ணெய் - 1 தேக்கரண்டி

உப்பு - தேவையான அளவு

செய்முறை:

வாணலியில் எண்ணெய் ஊற்றி காய்ந்ததும் சிக்கனைப் போட்டு 2 நிமிடங்கள் வேகவிட்டு பொரித்தெடுக்கவும். (மொறுமொறுப்பாக இருக்கக்கூடாது).

கார்ன் ஃப்ளாரைத் தண்ணீரில் கரைத்து வைக்கவும்.

சிக்கன் பொரித்த எண்ணெயில் ப்ரோக்கலியைப் போட்டு 2 நிமிடங்கள் வதக்கி தனியாக எடுத்து வைக்கவும்.

பிறகு அதே எண்ணெயில் முட்டைக்கோஸைப் போட்டு 2 நிமிடங்கள் நன்றாக வதக்கவும்.

கோஸுடன் சிக்கன், வதக்கிய ப்ரோக்கலி, சோயா சாஸ், துருவிய இஞ்சி, வினிகர், உப்பு, கார்ன் ஃப்ளார் கரைசல் அனைத்தையும் சேர்த்து 2 நிமிடங்கள் நன்றாகக் கிளறவும்.

கடைசியாக நல்லெண்ணெய், பொடி செய்த நிலக்கடலை, ஸ்பிரிங் ஆனியன் போட்டுக் கிளறி இறக்கி பரிமாறவும்.

குறிப்புகள்:

தாய்லாந்தில் உப்பிற்கு பதிலாக ஃபிஷ் சாஸ் சேர்ப்பார்கள். கிடைத்தால் உப்பிற்கு பதிலாக ஒரு தேக்கரண்டி ஃபிஷ் சாஸ் சேர்க்கலாம்.