தேவையான பொருட்கள்:

பாறை மீன் - 2 (கானாங்கெழுத்திபோல் உள்ளது)

லெமென் கிராஸ் - பாதி துண்டு

மிளகாய் பழம் - 2 (காரம் அவரவர் சுவைக்கேற்றாற்போல் சேர்க்கலாம்)

தேங்காய் - பாதி மூடி

நாட்டு வெங்காயம் - 3

மஞ்சள் பொடி - 1 தேக்கரண்டி

உப்பு - தேவையான அளவு

செய்முறை:

முதலில் மீனை தலையுடன் செவுள் பகுதி வழியாக உள்ளே சுத்தம் செய்து உப்பு போட்டு உரசி கழுவவும்.

பிறகு முதுகு புறத்திலிருந்து வயிற்று பகுதிவரை முல்லை ஒட்டினாற்போல் கீறவும். இரண்டாக வெட்டகூடாது. (அதாவது கருவாடு செய்வதற்கு கீறுவதுபோல்)

பின்பு லெமென் கிராஸை பொடியாக நறுக்கவும். பின்பு மிளகாய், தோல் உரித்த வெங்காயம், லெமென் கிராஸ், துருவிய தேங்காய், உப்பு ஆகியவற்றை ஒன்றாக சேர்த்து உரலில் இட்டு இடிக்கவும். (இல்லையென்றால் மிக்ஸியில் கொரகொரப்பாக அரைக்கவும்)

தேவையான உப்புடன் மஞ்சள் பொடி சேர்த்து மீனின் எல்லா பாகத்திலும் பரவினாற்போல் தடவவும், பிறகு அரைத்த தேங்காய் கலவையை மீன் உட்புறம் எல்லா இடங்கலிலும் பரவினாற்போல் வைக்கவும்.

பின்பு மீனை மூடவும். இப்பொழுது ஒரு நாண் ஸ்டிக் தவாவை அடுப்பில் ஏற்றி மீனை அதில் போட்டு மிதமான தீயில் சுடவும்.

சிறிது நேரத்திற்கு ஒருமுறை திருப்பி போட்டுக் கொண்டே இருக்கவும். இதற்கு எண்ணெய் விடக் கூடாது.

மீன் சிவந்து பின்பு கருத்து வரும் மீன் நன்கு வெந்ததை உறுதி செய்து எடுத்து பரிமாறவும்.

குறிப்புகள்:

இது வெள்ளை சோற்றுடன் சாப்பிட சுவையாக இருக்கும். இதை சூடாகவே சாப்பிடவும்.