தேவையான பொருட்கள்:

எலும்பில்லாத சிக்கன் - 1/4 கிலோ

மைதா மாவு - 1 கப்

முட்டை - 1 (அல்லது) 2

மஞ்சள் தூள் - 1/4 தேக்கரண்டி

மிளகுத் தூள் - 1/2 தேக்கரண்டி

சீரகத் தூள் - 1/4 தேக்கரண்டி

மல்லித் தூள் - 1/2 தேக்கரண்டி

மிளகாய் தூள் - 1/4 தேக்கரண்டி

எண்ணெய் - பொரிப்பதற்கு

உப்பு - தேவையான அளவு

செய்முறை:

சிக்கனை எலும்பில்லாமல் மெல்லிய நீளமான துண்டுகளாக நறுக்கி வைக்கவும்.

பாத்திரத்தில் முட்டையை உடைத்து ஊற்றி சிறிது உப்பு மற்றும் மிளகாய் தூள் கலந்து அடித்துக் கொள்ளவும். மைதா மாவுடன் தூள் வகைகள் மற்றும் உப்புச் சேர்த்து நன்கு கலந்து வைக்கவும்.

பிறகு சிக்கன் துண்டுகளை முட்டையில் தோய்த்தெடுத்து, கலந்து வைத்துள்ள மைதா மாவில் நன்கு பிரட்டவும்.

வாணலியில் எண்ணெயைச் சூடாக்கி, மைதா மாவில் பிரட்டிய சிக்கன் துண்டுகளைப் போட்டுப் பொரிக்கவும்.

நன்கு பொரிந்து கிரிஸ்பியாக வந்தவுடன் எண்ணெயை வடியவிட்டு எடுத்து பரிமாறவும.

குறிப்புகள்:

கெச்சப்புடன் பரிமாறவும்.