தேவையான பொருட்கள்:

விரும்பிய கருவாடு - 50 கிராம்

முட்டை - 4

சிறிய வெங்காயம் - 10

தக்காளி - 1

புளி - அரிநெல்லியளவு

பூண்டு - 8 அல்லது 10 பல்

மிளகுத்தூள் - 1 1/2 தேக்கரண்டி

மல்லித்தூள் - 2 தேக்கரண்டி

சீரகத்தூள் - 1 தேக்கரண்டி

மஞ்சள் தூள் - 1/2 தேக்கரண்டி

தேங்காய் துருவல் - 3 மேசைக்கரண்டி

கடுகு,உளுத்தம்பருப்பு - 1 தேக்கரண்டி

கருவேப்பிலை - 2 இணுக்கு

நல்ல எண்ணெய் - 2 மேசைக்கரண்டி

உப்பு - சிறிது

செய்முறை:

முதலில் கருவாட்டை கழுவி சுத்தம் செய்து கழுவி துண்டு போட்டு எடுத்து கொள்ளவும்.முட்டையை அவித்து தோல் உரித்து வைக்கவும்.

மிக்ஸி கப்பில் மிளகுத்தூள்,மல்லித்தூள்,சீரகத்தூள்,மஞ்சள்தூள்,நறுக்கிய வெங்காயம்,தக்காளி,பூண்டு,தேங்காய் துருவல் சிறிது தண்ணீர் சேர்த்து பட்டுப்போல் அரைத்து எடுக்கவும்.

அரைத்த விழுதை தேவைக்கு தண்ணீர் சேர்த்து கொதிக்க வைக்கவும்.உப்பு சிறிது சேர்க்கவும்.புளிப்பு தேவைப்பட்டால் ஒரு கொட்டை புளி கரைத்து விடவும்.நன்கு கொதி வந்து மசாலா வாடை அடங்கியதும் கருவாடை போட்டு கொதிக்க விடவும்.

நன்கு கொதிவரவும் அவித்த முட்டையை நாலாபக்கமும் கீரியோ அல்லது பாதியாக கட் செய்தோ போடவும்.ஆணம் அவரவர் விருப்பப்படி கெட்டித்தன்மை வைத்துக் கொள்ளலாம்.

ஒரு தாளிப்பு கரண்டியில் நல்ல எண்ணெய் விட்டு காயவும்,கடுகு உளுத்தம்பருப்பு,கருவேப்பிலை, நறுக்கிய வெங்காயம் போட்டு தாளித்து கொதிக்கும் கருவாடு முட்டை ஆணத்தில் கொட்டி கலந்து விட்டு அடுப்பை அணைக்கவும்.

பிறகு பரிமாறவும்.

குறிப்புகள்:

கருவாட்டில் எப்போதும் சற்று உப்பு அதிகம் இருக்குமென்பதால் அதைப் பார்த்துக் கொண்டு குழம்பில் உப்பை திட்டமாகச் சேர்க்கவும்.