தேவையான பொருட்கள்:

பாஸ்மதி அரிசி - 2 கப்

வெங்காயம் - 1 பெரியது

தக்காளி - 2

பச்சை மிளகாய் - 2

கருவேப்பில்லை - 4 இலை

பூண்டு - 5 பல்

மஞ்சள் தூள் - 1/4 தேக்கரண்டி

மிளகாய் தூள் - 1 தேக்கரண்டி

தனியா தூள் - 1 தேக்கரண்டி

நெய் - 1 மேசைக்கரண்டி

கொத்தமல்லி - சிறிதளவு

பட்டை - 1

கிராம்பு - 2

ஏலக்காய் - 1

செய்முறை:

முதலில் பாஸ்மதி அரிசியை அரை மணி நேரம் ஊறவைக்கவும்.

வெங்காயம் மற்றும் தக்காளியை நீளமாக அரிந்து கொள்ளவும்.

பச்சை மிளகாயினை இரண்டாக கீறி கொள்ளவும். பூண்டினை பொடிதாக வெட்டவும்.

இப்பொழுது பிரஷ்ர் குக்கரில் நெய் ஊற்றி பட்டை, கிராம்பு மற்றும் ஏலக்காய் போட்டு தாளிக்கவும்.

பின் அரிந்து வைத்துள்ள பூண்டினை போட்டு வதக்கவும்.

அதன் பின் வெங்காயம், கறிவேப்பில்லை சேர்த்து வதக்கவும்.

கடைசியில் தக்காளி, மஞ்சள் தூள், மிளகாய் தூள், தனியா தூள் மற்றும் உப்பு சேர்த்து வதக்கவும்.

அரிசியை நன்றாக கழுவி தண்ணீர் வடித்து இதில் சேர்த்து நன்றாக 2 நிமிடம் வதக்கவும்.

பின்பு தேவையான அளவு தண்ணீர் சேர்த்து 2 விசில் அரும் வரை வேகவிடவும்.

பிரஷ்ர் அடங்கியதும் கொத்தமல்லி தூவி கிளறி விடவும்.

இப்பொழுது சுவையான தக்காளி பிரியாணி ரெடி.

இதனை தயிர் பச்சடி அல்லது ஏதேனும் வறுவலுடன் சாப்பிட மிகவும் சுவையாக இருக்கும்.

குறிப்புகள்: