தேவையான பொருட்கள்:

புடலங்காய் - 1/2 கிலோ

பயத்தம் பருப்பு - 1/2 கப்

கறிவேப்பிலை - 2 கொத்து

உப்பு - தேவையான அளவு

வறுத்து அரைக்க:

பெருங்காயம் - சிறிய துண்டு

உளுத்தம்பருப்பு - 2 தேக்கரண்டி

மிளகு - 1/2 தேக்கரண்டி

மிளகாய் வற்றல் - 2

தேங்காய் துருவல் - 1/4 கப்

தாளிக்க:

தேங்காய் எண்ணெய் - 2 தேக்கரண்டி

கடுகு - 1 தேக்கரண்டி

உளுத்தம் பருப்பு - 1 1/2 தேக்கரண்டி

நிலக்கடலை - 2 தேக்கரண்டி

செய்முறை:

புடலங்காயை சிறு துண்டங்களாக நறுக்கிக் கொள்ளவும்.

பயத்தம்பருப்பை வேக வைக்கவும். எண்ணெயில் பெருங்காயம், உளுத்தம்பருப்பு, மிளகு, மிளகாய் வற்றலை சிவக்க வறுத்து தேங்காய் துருவலுடன் தேவையான நீர் சேர்த்து நைசாக, விழுதாக அரைக்கவும்.

புடலங்காயில் மூழ்கும் அளவு தண்ணீர் சேர்த்து வேக விடவும். அத்துடன் தேவையான உப்பும், சிட்டிகை மஞ்சள் பொடி சேர்க்கவும்.

நன்கு வெந்ததும், அரைத்து வைத்துள்ள விழுதைப் போட்டு, 2 நிமிடம் கொதிக்க விடவும்.

பின் வெந்த பருப்பையும் சேர்த்து நன்கு கொதிக்க விடவும்

எல்லாம் ஒன்று சேர்ந்து கெட்டியானதும் இறக்கி வைக்கவும்.

இரும்புக் கரண்டியில் தேங்காய் எண்ணெய் விட்டு, கடுகு போட்டு வெடித்ததும், உளுத்தம்பருப்பு, கடலை சேர்த்து தாளிக்கவும்.

தாளித்தவற்றை குழம்பில் கொட்டவும். கறிவேப்பிலையைக் கிள்ளிப் போட்டு பரிமாறவும்.

குறிப்புகள்:

சாதத்துடன் சாப்பிட அருமையாக இருக்கும்.

இதை புடலங்காய் தவிர முருங்கைக் காயிலும் செய்யலாம்.