தேவையான பொருட்கள்:

பிஞ்சு கத்தரிக்காய் - 5

பெரிய வெங்காயம் - 1

மஞ்சள் தூள் - 1/4 தேக்கரண்டி

கடலைப் பருப்பு - 1 1/2 தேக்கரண்டி

அரிசி - 1 1/2 தேக்கரண்டி

மிளகாய் வற்றல் - 7

வெந்தயம் - 1/4 தேக்கரண்டி

பெருங்காயத் தூள் - 1/4 தேக்கரண்டி

புளித்தண்ணீர் - 1/2 கப்

பூண்டு - 10 பல்

வெல்லம் - 1/2 தேக்கரண்டி

எண்ணெய் - 3 + 1/2 தேக்கரண்டி

உப்பு - உப்பு - தேவையான அளவு

செய்முறை:

கத்தரிக்காயை நான்கு பாகங்களாக வகுந்து கொள்ளவும். துண்டங்களாக நறுக்கி விடக்கூடாது. பெரிய வெங்காயத்தை தோல் உரித்து விட்டு பொடியாக நறுக்கிக் கொள்ளவும்.

மிளகாய் இரண்டாக கிள்ளி வைத்துக் கொள்ளவும். புளி தண்ணீருடன் உப்பு சேர்த்து கரைத்துக் கொள்ளவும். பூண்டினை தோலுரித்து வைக்கவும்.

வாணலியில் அரைத் தேக்கரண்டி எண்ணெய் ஊற்றி காய்ந்ததும் கடலைப் பருப்பு, வெந்தயம், மஞ்சள் தூள், மிளகாய் வற்றல், அரிசி, பெருங்காயத் தூள் போட்டு 2 நிமிடம் வதக்கவும்.

பின்னர் வதக்கியவற்றை ஆறவைத்து, மிக்ஸியில் போட்டு பொடி செய்துக் கொள்ளவும்.

வாணலியில் 3 தேக்கரண்டி எண்ணெய் ஊற்றி கடுகு தாளித்து, புளித் தண்ணீரை ஊற்றவும்.

அதில் நறுக்கின கத்தரிக்காய், கறிவேப்பிலை, வெல்லம், வெங்காயம், பூண்டு போட்டு 3 நிமிடம் கொதிக்க விடவும்.

மூன்று நிமிடம் கழித்து, அரைத்த பொடியுடன் கால் கப் தண்ணீர் ஊற்றி கரைத்து குழம்பில் ஊற்றவும்.

மேலும் 5 நிமிடங்கள் வேகவைத்து, நன்கு கொதித்து எண்ணெய் தெளிந்து வந்தவுடன் இறக்கி பரிமாறவும்.

குறிப்புகள்:

மிக எளிதாகவும், விரைவாகவும் இந்த குழம்பினை தயாரித்துவிடலாம். தேவைக்கேற்ப உப்பு, காரம், புளிப்பின் அளவினை மாற்றிக் கொள்ளலாம்.