தேவையான பொருட்கள்:

சம்பா கோதுமை ரவா - 1/4 படி

தேங்காய் துருவல் - 1/2 கப்

பெரிய வெங்காயம் - 1

சீரகம் - ஒரு தேக்கரண்டி

மிளகாய் வற்றல் - 4

புளி - சிறிய நெல்லிக்காய் அளவு

பெருங்காயத் தூள் - 1/4 தேக்கரண்டி

கறிவேப்பிலை - ஒரு கொத்து

உப்பு - ஒரு தேக்கரண்டி

செய்முறை:

பெரிய வெங்காயத்தை தோல் உரித்து பொடியாக நறுக்கிக் கொள்ளவும். சம்பா கோதுமையை புடைத்து சுத்தம் செய்துக் கொள்ளவும். தேங்காயை துருவிக் கொள்ளவும்.

முதலில் மிக்ஸியில் மிளகாய் வற்றல், பெருங்காயம், சீரகம், உப்பு, புளி ஆகியவற்றை போட்டு பொடியாக அரைக்கவும்.

அதன் பின்னர் அதில் சுத்தம் செய்து வைத்திருக்கும் கோதுமை ரவை மற்றும் கால் கப் தண்ணீர் ஊற்றி கொரகொரப்பாக அரைக்கவும்.

அரைத்த பிறகு அதில் தேங்காய் துருவல் சேர்த்து விழுதாக அரைத்துக் கொள்ளவும்.

பிறகு ஒரு பாத்திரத்தில் அல்லது தட்டில் அரைத்த விழுதை போட்டு அதில் நறுக்கின வெங்காயம் மற்றும் கறிவேப்பிலை சேர்த்து பிசைந்துக் கொள்ளவும்.

பிறகு தோசைக்கல்லை அடுப்பில் வைத்து எண்ணெய் தடவி காய்ந்ததும் பிசைந்து வைத்திருக்கும் மாவை ஒரு பெரிய எலுமிச்சை அளவு உருண்டையாக உருட்டி தோசைக்கல்லில் வைத்து அடையாக தட்டவும்.

அடையின் மேல் எண்ணெய் ஊற்றி வெந்ததும் 2 நிமிடம் கழித்து திருப்பி போட்டு வெந்ததும் எடுக்கவும்.

குறிப்புகள்: