தேவையான பொருட்கள்:

கோதுமை ரவை - 1/4 கிலோ

வெங்காயம் - 1

கடுகு, உளுத்தம் பருப்பு - 1 மேசைக்கரண்டி

வரமிளகாய் - 2

கறிவேப்பிலை - மூன்று கொத்து

தேங்காய் துருவல் - 1 மேசைக்கரண்டி

எண்ணெய் - 2 மேசைக்கரண்டி

உப்பு - தேவையான அளவு

செய்முறை:

அரை லிட்டர் தண்ணீரை கொதிக்க வைக்கவும். நீர் கொதிக்கும் போதே மற்ற அடுப்பில் குக்கரை வைத்து எண்ணெய் ஊற்றி கடுகு, உளுத்தம் பருப்பு, வரமிளகாய் தாளிக்கவும்.

பொடியாக நறுக்கிய வெங்காயம் போட்டு வதக்கி கறிவேப்பிலை சேர்க்கவும். இரண்டு நிமிடம் கழித்து அதிலேயே கோதுமை ரவையைப் போட்டு வதக்கவும்.

ஐந்து நிமிடம் கழித்து உப்பு போட்டு கொதித்த நீரை ஊற்றவும்.

நன்றாக கிளறி விட்டு குக்கரை மூடி இரண்டு விசில் விட்டு அடுப்பை அணைத்து ஐந்து நிமிடம் கழித்து திறக்கவும்.

மீண்டும் அடுப்பை எரிய விட்டு தேங்காய் துருவல் போட்டு இரண்டு நிமிடம் கிளறி இறக்கவும்.

குறிப்புகள்: