தேவையான பொருட்கள்:

புழுங்கலரிசி - 4 கப்

கடலை மாவு - 3 கப்

வெண்ணெய் - 100 கிராம்

எண்ணெய் - பொரிக்க தேவையான அளவு

உப்பு - தேவையான அளவு

செய்முறை:

புழுங்கலரிசியை நன்கு கழுவி, 6 மணி நேரம் ஊற வைக்கவும். பின் அதை கிரைண்டரில் மிகவும் நைஸாக, முடிந்த அளவு குறைந்த தண்ணீர் விட்டு அரைக்கவும்.

அதை நன்கு ஈரம் உறிஞ்சக் கூடிய துண்டில் 2 மணி நேரம் சுற்றி வைக்கவும்.

பிறகு, அதில் கடலை மாவு, வெண்ணெய், உப்பு முதலியவையையும் கலந்து கெட்டியாகப் பிசையவும்.

மிளகாய்ப் பொடி இதற்குப் போடுவது தேவையில்லை. இருப்பினும் விருப்பமிருந்தால் சேர்த்துக் கொள்ளலாம்.

வாணலியில் எண்ணெய் விட்டு சூடானதும், ரிப்பன் பக்கோடா அச்சில் மாவினை எடுத்து எண்ணெயில் பிழிந்து விடவும்.

குறிப்புகள்:

கடலை மாவு புதியதாகத் திரித்துச் செய்தால் மிக ருசியாக இருக்கும்.