தேவையான பொருட்கள்:

பிரெட் - ஒரு பாக்கெட்

வெங்காயம் - 2

அரிசி மாவு - 3/4 கப்

தயிர் - 1 1/2 கப்

பச்சை மிளகாய் - 6

துருவிய கேரட் - 1 கப்

சமையல் சோடா - 1/4 தேக்கரண்டி

புதினா - ஒரு கொத்து

எண்ணெய் - வடை பொரிக்க தேவையான அளவு

உப்பு - தேவையான அளவு

செய்முறை:

10 பிரட் துண்டங்களை எடுத்து துண்டுகளாக்கி, மிக்ஸியில் போட்டு பொடி செய்து கொள்ளவும்.

வெங்காயத்தையும் மிகவும் பொடியாக நறுக்கிக் கொள்ளவும்.

கேரட்டை துருவி ஒரு கப் அளவிற்கு எடுத்துக் கொள்ளவும். பச்சை மிளகாயையும் பொடியாக நறுக்கிக் கொள்ளவும்.

ஒரு பாத்திரத்தில் அரிசி மாவைக் கொட்டி அதில் துருவின காரட்டையும் சேர்க்கவும்.

அத்துடன் பொடியாக நறுக்கின வெங்காயம், தயிர், புதினா, சோடா உப்பு, உப்பு அனைத்தையும் சேர்க்கவும்.

எல்லாவற்றையும் ஒன்றாய் சேர்த்து நன்றாகப் பிசையவும். தேவைப்பட்டால் தண்ணீர் சேர்த்து பிசையவும்.

பிசைந்த மாவை அப்படியே சுமார் 10 நிமிடம் ஊற வைக்கவும்.

வாணலியில் எண்ணெய் ஊற்றி காய்ந்ததும் மாவை எடுத்து இலேசாக எண்ணெய் தடவின உள்ளங்கையில் வைத்து, அதிக தடிமன் இல்லாமல் தட்டி, எண்ணெயில் போட்டு பொரித்து எடுக்கவும்.

சட்டியின் அளவைப் பொறுத்து ஒரு முறைக்கு நான்கு அல்லது ஐந்து போட்டு வேக வைத்து எடுக்கவும். இருபுறமும் திருப்பிப் போட்டு வேகவிடவும்.

வடை நன்கு வெந்தபிறகு எடுத்து, ஒரு பேப்பரில் இட்டு எண்ணெய் வடியவிட்டு பரிமாறவும்.

குறிப்புகள்: