தேவையான பொருட்கள்:

ப்ரெட் - 8 துண்டுகள்

உருளைக்கிழங்கு - 300 கிராம்

பச்சை மிளகாய் - 6

மல்லிக்கீரை, புதினா - தலா 2 கொத்து

மஞ்சள்தூள் - 2 சிட்டிகை

மசாலாத்தூள் - 1 தேக்கரண்டி

மிளகாய்தூள் - 1 தேக்கரண்டி

அரிசி மாவு - 1/4 கப்

எண்ணெய் - பொரிக்க தேவையான அளவு

உப்பு - தேவையான அளவு

செய்முறை:

உருளைக்கிழங்கை வேகவைத்து, தோல் நீக்கிய பின் நன்றாக மசிக்கவும்.

ப்ரெட் துண்டுகள் ஒவ்வொன்றையும் தண்ணீரில் நனைத்து, ரொம்ப ஊறவிடாமல் உடனே எடுத்து, இறுகப்பிழிந்து உருளைக்கிழங்கோடு சேர்க்கவும்.

பச்சை மிளகாய், மல்லிக்கீரை, புதினாவை பொடியாக நறுக்கி அத்துடன் சேர்த்து, எண்ணெய் தவிர மீதியுள்ள அனைத்து பொருட்களையும் அத்துடன் சேர்த்து கலக்கி, சிறிய உருண்டைகளாக்கி நீள் உருளை வடிவில் உருட்டவும்.

பிறகு வாணலியில் எண்ணெய் ஊற்றி சூடானவுடன் பொன்னிறமாக பொரித்தெடுக்கவும்.

குறிப்புகள்:

மிளகாய் சாஸ் அல்லது கெட்சப்புடன் இதை சாப்பிட சுவையாக இருக்கும்.